الصحابات و مالين الطيماكس 🏍️💖
قصص مغربية 🎭✨
--------------------------------------
قاطع الصمت اللي كان طاغي على السيارة كلام سافانا مع داك الملازم ديالها الأخير اللي التافت لهبة كاينزلها و يطلعها بعينيه الشيء اللي خلى هبة تجمع حجبانها و تركز نظرتها عليه ناطقة بلغتها الأم
هبة : هذا مال جدو كايشوف فيا هاكدا
على إثر هاد الكلام ضحكت سافانا و فلتت ابتسامة من ثغر الملازم جاوباتها سافانا
سافانا : هبة هادا المساعد ديالي و اكثر شخص قريب ليا ادريان ... ادريان هادي هبة و هي المتدربة الجديدة
ادريان اكتفى باماءة و هز يدو صافح بيها هبة اللي نطقت : تشرفت بيك سي ادريان
كل واحد رجع للصمت اللي فيه بعد وقت قصير وقفات اللوطو قدام واحد القصر كبير و راقي و متميز بالكاتدرائيات اللي كانت عاطياه شكل متميز على باقيه
نزلت هبة كاتأمل فيه مزيان عاد باش ضارت الموقع ديال سافانا و ادريان اللي كانو من وراها كايترقبو ردة الفعل ديالها
هاد الأخيرة اللي وقفت مقابلة ليهم و شافت في سافانا
هبة : تفضلي انسة سافانا الأب ديالك على شويا و غادي يتيري فينا بعينيه
ضحكت سافانا و عنقات هبة و تمو غادين بزوج و ادريان حاضي الوضع بابتسامة
دخلو لغرفة المعيشة لقاو واحد المرأة زوينة و وجهت مبشور مشات تلاحت عليها سافانا باستها
سافانا : ماما توحشتك
غزل : حتى انا احبيبتي
هزات عينيها شافت في هبة و تبسمات بترحاب
غزل : مرحبا بيك ابنتي ... باينة نتي صاحبة سافانا
اومأت براسها بهدوء
غزل : دخلي ابنتي جلسي دخلي
دخلات هبة جلسات حداهم كاتفرك فيديها ماشي حيت متوترة بل حيت حاسة براسها غادي تبكي غادي تضعاف مرة أخرى
حسات بحضن حنون جرها لعندو كانت ديك المرأة عنقاتها و عطاتها حليوة و كويس ديال العصير
غزل : كولي ابنتي كولي
سافانا : ماما غير خودي راحتك و تكلمي معاها بالمغربية راه بنت المغرب
غزل : الله ... مرحبا مرحبا بيك ابنتي ... حسيت بيك بنت البلاد من الشوفة الأولى ... احسن حاجة درتيها ابنت كرشي انك تصاحبتي مع مغربية حيد عليا من بنات روسيا يا ربي السلامة على شوية و غادي يموتو من كثرة التبعكيك
فلتات ابتسامة زوينة من ثغر هبة
هبة : الله يبارك فيك اخالتي و يطول ليا في عمرك
أنت تقرأ
الـــوقــوع فــي ابــتـســامــتــك
Cerpenالقصة ديال اليوم زينة تبهج القلب أو العين قصتنا اسيادنا غادي تكلم على ربعة الصحابات هبيلات او قالو ليهم زغرتوا ما لاقاهم الله غير مع اللي غادي يجمعوهم ليهم حب او تبن او بلا ما نطول عليكم بسم الله على بركة الله وجدو راسكم الزوينات دياولي باش نغطسو في...
