القصة ديال اليوم زينة تبهج القلب أو العين قصتنا اسيادنا غادي تكلم على ربعة الصحابات هبيلات او قالو ليهم زغرتوا ما لاقاهم الله غير مع اللي غادي يجمعوهم ليهم حب او تبن او بلا ما نطول عليكم بسم الله على بركة الله وجدو راسكم الزوينات دياولي باش نغطسو في...
الصحابات او مالين طيماكس 🏍️💖 قصص مغربية 🎭✨ ------------------------------------------------ تذكير : لالة فخيتة : شوف سبحان الله اولدي هاد المش شحال كايشبه لديالك هبة شركات ليها بقات غير كاتكحب او ياسر كايبتاسم ديك الابتسامة الغريبة ديالو مشى المش كايجري لعند ياسر كايتمحكك بيه او هبة غير كاتشوف بعويناتها --------------------------------------------------- ناضت الواليدة الكوزينة تحط الغذاء او راكم عارفين العيالات ديال بكري الواليدة تحلف او لالة فخيتة تحلف حتى ناضو بجوج يقادو الطبلة بقيت غير انا او ياسر حشمت او مرݣت او ندمت علاش ما نضتش مع الحنانة نطق ياسر ياسر ببرود : تهدني راه يدك قتلتيهم بالفريك انا باحراج : غير عادة او صافي ولفت نحك ايديا منين نتوتر هو ابتاسم ديك الابتسامة ديالو : او شنو خلاك متوترة بالسلامة انا بديت غير كانضور في عينيا : انا لا والو علاش اصلا غادي نتوتر ما كاين علاش لا والو اويلي ياسر : ايوا مزيااان انا غوتت : وااااا الواليدة راه منين غادي نتغدا غادي نخرج نضرب الضويرة مع البنات فتيحة خرجت ليا من الكوزينة او فيديها واحد المغرفة كاتبين الهيبة ديال الواليدة في الدار فتيحة : و الله يا مك او تعتبي باب الدار تانفرج فيك الحومة انا : وا الواليدة الله يحفظك راه غير انا و البنات حدنا حد ديك ساعة و نص فتيحة : لا هي لا خرجت لالة فخيتة كاتضحك لالة فخيتة : فتيحة خلي الدرية تمتع شويا نسيتي ياماتنا انا وياك او الدريات انا غمزت الواليدة : هاي هاي على فتيحة ما صدقتيش سويهلة فتيحة : غا بلاتي على مك ايلا ما خرجتها منك راه هنية ما ولدت فيا غير الخلا انا : نتي الواليدة راك الحب مشات الواليدة او انا نمشي كانجري عند خالتي فخيتة انا عنقتها : خالتي لهلا يخطيك بلاصتك في القليب و الله لالة فخيتة قرصت ليا حنيكاتي او ضحكات : ربي يخليك يا اكبيدتي هادشي كامل داز على ناضر ياسر اللي كايشوف واحد كثلة البراءة كاتزين جدران هاد المنزل حطات الواليدة الغداء او سي ياسر بغا يعتذر باش ينوض و لكن شداتو هبة بعفوية او بركاتو انا : شوف تبرك و لا نخسرو ياسر رفع فيها حاجبو او ما لقا ما يدير وكل امرو الله او بدا كياكل بهدوء سالات هبة ناضت كاتجري البيت لبست كسيوة ما معرياش بزااف او بالأحرى هي المستورة في لبسها كامل
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
