الـــوقــوع فــي ابــتـســامــتــك

part 52 _ تعريف الشخصيات

الصحابات و مالين الطيماكس 🏍️💖
قصص مغربية 🎭✨
--------------------------------------------

سافانا : بنت عائلة برجوازية دخلات المعسكر التدريبي و هي في السنة الأولى ثانوي تدريبات عامين و بحكم المرتبة الاجتماعية ديالها طلعات كراد بالزربة و أصبحت عميدة .... من ناحية الكراكتير ديالها صعيب بزااف و ماشي ساهل تعاملي معاها الا اذا رتاحت ليك اقرب الناس ليها ادريان و ماماها علاقتها مع باباها ماشي هي هديك و خوها كاتجمع بيناتهم علاقة احترام لا اكثر ما عندهاش الأصدقاء من غير هبة اللي اعتابراتها ختها .... في منتصف عقدها الثاني

غزل : امرأة غزالة كيف سميتها من ام سويسرية و اب مغربي حتى هي كبرات في عائلة لباس عليها ما مزوجاش عن حب و لكن فرضات على راجلها الاحترام ديالها بل و قررات انه تبني فيلا صغيرة بالطراز المغربي و تحداتو بكل ثقة ... عزيزة عليها بنتها بزااف و مكانتها بوحديتها ... اكره حاجة عندها هي الخدمة ديال راجلها و لوسها اللي معتابراه فحال ولدها ... غزل في أواخر عقدها السادس

أصلان : رجل متسلط كايظن ان المكانة الاجتماعية و النفوذ اهم حاجة في هاد الحياة ما كايهتمش بالعائلة ديالو و لا ولادو ما كايهمو حتى حاجة من غير انه يكبر الإمبراطورية ديالو ... زرع في خوه الصغير هاد الخصال و كان كايطمح باش يبعدو على الدين في مرة و يخليه ملحد و لكن للاسف ما قدرش و لكن هذا ما كانش مانع باش يخليه يبعدو على الطموح ديالو ... كان رئيس المعسكر قبل ما يعطي المكانة ديالو لخوه ليث ... أصلان في منتصف عقده السابع و لكن بطبيعة الحال ما بيناش عليه

ادريان : واحد الدري مختلف على بني جنسه هاز بزااف ديال الحزن الداخل ديالو عاش شي حوايج كباار عليه و هو في برعم طفولتو تقتلو والديه قدامو تشرد و ما لقى حتى واحد عاش ايام و شهور بل اعوام في الزنقة حتى جات سافانا و مدات يد العون ديالو دارتو ملازم ديالها تهلات فيه درباتو في المعسكر التدريبي حتى ارتفاع لرتبة مدرب اول خاص بالنخبة... ادريان حل عينيه على سافانا دارها عائلتو الوحيدة الوحيدة اللي شافت ضحكتو حرسات عليه باش تشوفو في احسن حالاتو و داكشي اللي كان

ليث : ليث واحد الانسان غامض مداير كيف ديك الرمانة المغمضة و عائلتو حلفات على انهم ما عمرهم شافو ضحكتو و هادشي كان عندو سبب هانا غادي نقولو ليكم .... ليث عاش مع خوه اصلان اللي ربى فيه دوك الطموحات ديالو خلاه يتجرد من المشاعر ديالو عطى الروح ديالو الطموح ديال خوه ... ليث عندو سر انه مازال ملحد و لكن باغي يسلم مي الاعمال ديالو ما مخلياهش الاسلام قرأ عليه و درس و شرا المستلزمات و لكن ما قدرش و فاش فرشاتو هبة قرأ ملامح خوه فهمو و غادي يتفاهم معاه و يوصل ليه المعلومة من بعد ... ليث مداير اصلان بحال باباه ما كايقدرش يخسر ليه و فنظرو اصلان الراجل الوحيد في حياتو اللي كايستاهل يحتارمو ... ليث متقاطعه على العلاقات الغرامية و ما يجاورها لانه فنظرو الراجل اللي كايميل للعلاقات فهو حيوان كايعيش على شهواتو ... ليث في بداية العقد الثالث ديالو رئيس المعسكر التدريبي كايشتاغل في الامور اللا قانونية و مترأس البنك الدولي و شركات متعددة المجالات

يتبع 🥰💖
هاد الشخصيات عندهم دور مهم في القصة و هوما اللي غادي يبدلو مجرى الأحداث كاملين