اتصال محطم

البارت الأولى

              .....ماذا قيل عن الحب.....

الحب لا يجمع المتشابهين ، ألحب يجمع المختلفين

دائماً ، كأثنين بينهما فارق في العمر ، أو أحدهم

يعشق ألاهتمام وأخر يحتويه البرود ، أو قد تغير

نفسك من أجل شخص بينما هو لايغير ساكنا ، أثنين

أحدهما له ماضي والآخر يحب لأول مره.

              .....هكذا هم أرقب ونيران.....

-------------------------

رائد/
هباوي هنا تشاوفتو أول مره أنتي ونيران.

هبه/
خزرته بعيوني.

- ههههههه يولي غير هذا العضيد وكلشي يعرف
انه أكدر أضم سالفه عليه.

نيران/
أي هنا شافتني بس اني مشفتها او بألاحرى بالي مچان يمهم
ثاني يوم يله صاحتني وشفتها.

أرقب/
يول تخوط بصف الاستكان بس أنت عاجبك يتنقشلك شويه ومحمد ماسكتها.

رائد/
ههههههه وداعتك أحب مداهرتها تذكر قبل شجنه نسوي.

أرقب/
تدري تورطت كتلك الحكنه على اسطنبول أنت حدودك الكهوه وأخسرك وتكعد.

- كومي حبيبي كومي هذا افادو ثخين امشي ألجهال بردو ناخذ عشاهم للشقه.

رائد/
لا بالخوه تعال ما أحجي هههههه كلمن يداري خبزتو
تعالو.

هبه/
رائد وين عبالك بالعراق كاعد عوفهم يرحون جهالهم
تعبو
وتعال سولفلي صارلي كم سنه أكلك أريد اعرف قصتهم شلون التقو وحبو بعض وتزوجو.

رائد/
له له
كل هذا اسولفو عجل كومي احنه هم ناخذ عشانه ونرجع لشقتنه
هذاك صار أحسن مني راح يداري حالو.

- وفعلا اشترينه الاكل واحنه دنمشي بده رائد يسولف.

- يابه ذوله قصتهم ماعرف غريبه عجيبه مادري تضحك مادري تصفن أسمعي يبه
.
.

                  ( اخطاء المراهقه )

......سنه 2000......

- ولج وينج عاد امشي خلي نروح نشتريلج شي واجيب نواقص للبيت ونرجع.

- اي شبيج يمه مستعجله انطيني صبر خلي اشيل شعري ذيل حصان شو مديرهم.

- ارجعلكم شويه بالوقت هنا تحديدا بهذه السنه عمري 16 سنه طالبة رابع اعدادي عائلتي صغيره وهادئه مكونه من والدي والدتي واخويه اليكبرني خمس سنوات واختي التكبرني ثلاث سنوات ومتزوجه صارلها أشهر قليله.

_غير تنشلع من المرايه مو طار الوكت.

_ اي والله جيت.
وطلعنه اخذنه تكسي متوجهين لاحدى أسواق بغداد.
بالطريق وهناك !
تذكرت شلون مرت ايام صعبه علينه بسبب وضع والدتي كانت حامل واستعجلوا بولادتها عمليه