اتصال محطم

التكمله

جلست في أحدى الحدائق تقلب بذاكرتها لتتصفح

الماضي الحاضر ؟

.
.
.
كاعده بالقاعه او أكون أدق بعمل النحت ودنشتغل
وجوه من الطين والفخار شي كلش حلو وغريب

علينه لابسين الصداري واليشوفنه يكول شحلاتهم
هل دكاتره واحنه دنلوص بالطين ههههههه

الاستاذ اكيد هسه الله يرحمه لان بوقتها اله عطسه
ونترحمله والاحلى من هذوله الفنانين الشعرهم

طويل وخابص روحه ويحجي كله نحوي وصح عمره
كبير لكن روحه حلوه ومرحه وفعلا فنان

اذكر نحت العين بجره وحده بأصبعه يرسمها
واحنه دنشتغل وما اسولفلكم على الاشكال السويناها

فحطانين من الضحك عليها مخزيه طلعت ما أحس غير باب القاعه ندك الكل أنتبه والاستاذ كال نعم

أرقب/
صباح الخير

الاستاذ/
أهلا يا صاحب الاناقه.

_ شبه أبتسم أرقب شبه ها.

أرقب/
ممكن تسمح لنيران تطلع عدنه شغله مهمه.

_ هنا نصدمت أصلا يعني ممعقوله توصل بي يلحكني للقاعه وكدام الطلاب والاستاذ تعالي.

الاستاذ/
ومن هذه الفتاة بصراحه لا أعرفهم جميعا بالاسماء.

_ من غير كلام من الارقب أشر بأصبعه عليه.

الاستاذ/
نعم أنها وجه القمر أسميها.

_ الطلاب بيهم الضحك وبيهم كلوله ها أستاذ أني
وجهي يا قمر كولوا غيم عواصف امطار صار.

أرقب/
منتظر جواب الاستاذ
كومي نيران وجيبي غراضج.

ظل واكف بالباب ثولني بس يخزر بعينه ومعجبه كلام الاستاذ مع العلم حجاها بكل عفويه
المهم طلعت.

نيران/
شنو القصه أرقب ممعقوله الكاعد تسوي اطلعني من القاعه ترى حرسب مدتخليني أحضر شي.

أرقب/
أول شي جيبي غراضج حتدمر وغسلي أيدج شهل تلعوص جاهله انتي جاهله تلعبين بالطين

وبعدين شلج بالمحاظرات اولج واخرج تبطلين يله امشي غسلي وجه القمر مو بسيطه صار التغزل عيني عينك.

_  هاك الزم داغسل وتبطيل ما ابطل سمعت لو لا.

توجهت للبوري اكو كدام القاعه يذب على الحديقه الوسطيه نغسل بي لان القاعه نهاية الكليه والمغاسل

بعيده علينه أتقدمت حتى انصي.

أرقب/
ديري بالج تنصين ننننييييرررررررااااان
ولج وين بنص الساحه تخبلتي.

_ لخاطر الله داغسل شبيك كلشي تحط بي أنه.

_ أمشي للمغاسل كدامي أبد أبد متنعافين لازم
تخربطين.