اتصال محطم

تكملة البارت

بدت السنه الدراسيه وكل الي عندي متحمسين وخصوصا انه نجمعوا كلهم سوه.

المدارس العراقيه هنا من الروضه لغاية السادس الاعدادي.

اما الكبير فدوامه يبدي من الوحده لغاية الساعه بالخمسه العصر.

اكثر من مره من يجوني اكلهم شفتوا اخوكم
لا والله لا شفنا ولا ابد.

يعني لا بالعراقي لا بالدولي وين اودي مرمرني كلش.
اطفالي الباقين متحمسين الظاهر كلمن يحب ملته ابد ابد مشكوا.

بالمدرسه التركيه شكواهم هوايه لان يضايقوهم
بس هسه لا مرتاحين.

الي استغرب من عنده والدهم من خلال اتصاله بيهم واني هم بصراحه .

أنه تكله ويامن تحجي يكلك ويه صديقتي او العكس يعني حتى اذا بناتي تكلك هذا صديقي .

هذا الشي عندي عادي نتيجة المدارس المختلطه لكن شهاده لله مشفت شي غلط.

مفهوم الصديق عدنه بالعراق هو حب وانحراف وكلشي غلط ... لكن بره الصديق صديق والحبيب وحد .

كعدت احاجيهم وأريد اقنعهم بوجهة نضري ميصير هيجي وهيجي بس للأسف مكدرت اتوصل لعقولهم لان عاشوا وشبوا بعدت مجتمعات وكلها منفتحه ومختلطه.

أي أنتماء للوطن للأسف ماعدهم وخصوصا أخر تلاثه بيهم الولد الكبار لاجانوا يردون يرجعون.

بده العام وتوفقوا الحمد لله بالدراسه الكادر الله شاهد جيد ومتعاون مع الطالب ويوصل المعلومه بصوره سلسه.

أرقب على تواصل معهم ومع الاداره بين فتره وفتره
حاليا  25/12/2020

الو هلو
هلو

شبيج شو مو على بعضج
شوكت تجي

على الثاني ان شاء الله
خوش

شنو هاي الخوش ؟
الي دتسمعه مني .

هنا اني جنت ماعرف شبيه بس ضجت والجهال تعبوني كلش.

امتحنوا امتحانات نص السنه وكعدوا واخر يوم فجروا القنبله انه المدرسه بيه حالات كورونا
وتحديدا بصف بنتي ام السادس ابتدائي .

بعد الامتحانات بدت بنتي الصغيره تتعب وتختنك
كل ضني افلاونزا يعني شهر الواحد بأنقره ثلج هيه اله تفتح شباك الغرفه وتنام.