اتصال محطم

البارت الرابع وعشرون

ما الذي يجعلني اتحمل العيش بين المد والجزر ....

نعم انا الان هكذا محاوطه بأسوار تخنقني بل تكبلني

لتعيدني الى الخلف.

...................

نيران/
دخلوا عيالي جوه وكملت اني شغل بره بالحديقه ويه
بنات خالتي والولد بصراحه هيچي ترتيبات يعتمدون
على الشباب افضل.

الطبخ احنه نهائيا منطبخ بالبيت يجي من تجهيزات
خاصه كامل من كلشي واحنه فقط نفتح ونوزع.

كملت شغلي ورحت غسلت وجهي ورجعت رفعت شعري ذيل حصان وتوجهت للصاله بعد ما تأكدت

من فستاني نظيف لان هوايه اشتغلت ملابسي بسيطه فستان جوه الرگبه كلوش بنص ردن وصدر
مسبع.

نيران/
خاله محتاجين شي اجيبلكم.

الحجيه/
لا يمه سلامتچ ممحتاجين كملتي شغلج بره ؟

_ أي والله خاله كلش تعبتنه الميوزه.

_ ها ليش متصبون هنا أنتو.

_ وين خاله هنا بالكاع ؟
لا لا العالم تنمرد والاكل هم  ! بصراحه لا على الميوزه اروح والواحد يصب ويرجع ياكل بمكانه براحته.

_ مممممممم

نيران/
اليوم الثالث اشرتلي والدتي وخالاتي اروح أسأل المله شكد وتختم بعد لان المفروض قبل متخلص بنص ساعه احنه نبدي ننصب الاكل ونحضره

رحت عليها كلتلي بعد تقريبا اقل من نص ساعه واكمل لهذا طلعت بسرعه حتى مرجعت خبر لوالدتي

بس اخذت البنات وتوجهنه للمطبخ.

_ هنا الحمد لله كملنه كلشي وكلنالهم يتفضلون.

والدتي/
نيران نيران.

_ ها يوم شبيج.

_ روحي على عيالچ بعدهم كاعدين خاف يستحون.

_ أبنهم ارقب وهمه يستحون شلون رهمتيها.

_ بنتي دروحي من باب المجامله.

_ تمام
توجهت الهم خاله اسويلكم هنا واجيبه العشا  ؟

_ لا يمه البنات حيكومن بس اني ما اكدر مابيه اطلع.

_ ادللي هسه اني اسويلج وارجع وفعلا طلعت سويت صحنين كبار واحد اكل شكلت بي والثاني فاكهه وحلويات وخليتهم يمها محتاجه شي خاله.

_ لا يمه ينطيج العافيه روحي اكلي تعبتي.

وفعلا كلش تعبنه صار تلث أيام لكن الف رحمة ونور تنزل على قبرها تستاهل الحنينه

لساعه بثمانيه ونص جنت واكفه على السنك أغسل كلاص وشفت أرقب بالباب وطلعوله اهله أخذهم بس

داشوفه عيونه ادورني لا طلعت ولا شي بعدني على نفس موقفي ناويه افسخ الخطوبه بس الظروف عكست ويايه.
.
.
.
.في مكان آخر عند بيت الأرقب......