اتصال محطم

.... لم يغير وجهة نظره ....

                 حوادث وقعت سنه 2022

في حوار بيتي صريح يخلو من الترتيب والغايه منه هو مشاركه ألافكار فقط .

أحد الحوارات بسبب حادثه أنتشرت على مواقع  التواصل الإجتماعي.

_  أرقب شفت بالفيس ألمره ألحركت فلوس زوجها لأن ممطلعها .

_ أي  يولو بطله نچره يستاهل لو حاركته أله عنده

  ليش يقصر على عائلته شيخصر لو مطلعله كم فلس

   مفرحهم بيه .

_ أي والله ماعرف ذوله اليصمدون فلوسهم

   ويحرمون عوائلهم شيحسون .

  _________________

    في حوار آخر لحادثة ترأست مواقع التواصل الاجتماعي سنه 2022

_ أي همزين حينعدم هذا  إلي كتل خطيه الطالبه نيره المصريه شفت فرحت ألاهل .

_  قهرني حرام يعدموا .

_ صدك. ؟ تحجي أنت كتلها كتلها موتها بأي حق .

_ غير يحبها .... لج بابا يحبها وهيه متريده يسويها

وصل وميرتاح خلي يكتلها ومتروح لغيره أحسن .

_ أكيد دتشاقه مو طبيعي تفكيرك .

_ لاوداعتج شنو تقبل بي وبعدين تحبه وين لاكيه واحد يحبها شتردي يتفرج عليها وهيه تحب وتزوج غيره يعني بالحالتين ميت هو .
........................

                 التاريخ 27/7/2022

الساعة ألعاشره مساءا ....

_ الو
ها هلو

_ شدسوين
هيجي لملمت ومسحت وراح أطب أسبح

_ لا لطبين جاي أمشي نفتر وكولي للجهال .
   تمام

_  وصل ورأسا لبست شلون العباية بس بيها دكم .
  هلو وينهم جهالج

محد يجي بس ذوله الاثنين .
صعدوا بابه بالسياره.

_ وفر .... فر ...
أجتني نغه منه بچتفي .

أخ شبيك زرفتها لأيدي
باعي هايه الطفله بالسياره اليمنه شحلاتها .

أي  الله يحفظها .
باوعيها عمرها يمكن سنه يولي شحلات هل عمر ....
  مممممم.

ترى بنيه هذه  .
فتهمت والله فتهمت كلولك حوله عميه شفتها .

_  وكملنه فر ... فر ... وفر ... فر...
  تدرين وين احنه هسه ؟
  لا والله محصلي الشرف وين !

_ هنا الراهبات شبيج للولاده .
  عرفته وجع راسي على هاي السالفه .

_ شوفي شوكت نجيها  ؟
أي ... عسانا منجي شعدنه .

_ ولج ليش .
  أحسن .

  وهم كمل فر ... فر ....

_ أكلج نيرانو
  ها

_ هذا ظهر المستشفى مال راهبات .
  ها رجلها وينها لعد .

_ شنو يول !
أي ساعه بطنها وساعه رجلها معدتي گلبت من الفره يمعود ....
والجهال فحطوا ضحك ماريد دخت بعد رجعني.

_ حجت سمسم .... بابا بابا
ها عيون بابا

_ أنت وماما  محلوين جنتوا
لا ولج هاي امج الكمر .... أمشي لج عيبتلها  .

_ رجع أبني ألصغير بابا .
   ها عيني

_ ترى أنت نص شايب من جنت بالصور
   هنا طلع ألمي من خشمي.

_ مشكور يابه زين نص أمك دكول كلك شايب .

وفر ... فر

.جادريه/  كراده داخل خارج/  شارع فلسطين/ زيونه / المهم ٨ مناطق

_ أكلج باوعي
ها ....  موطت الخير حذبها من راسي.

_ دشوفي هاي كلية الفنون
   ممممم

_ بس هاي الرئيسيه مو ؟
  أي شحلاتها جنت بالاسبوع مره مرتين هنا.

_ هنا لزم بريك
شن أنتي مو كايلتلي مره وحده جايه .

_ زين هسه أني شمعرفني شمكذبه عليه من 2005 حتى متعلك بوكتها واچفه شره .

_  ها مادري نسيت يمعود عمر صار ....
أكلك حذب من راسي ومن صدك دخت وبطني وجعتني رجعني للببت.

_ الله عليج خاف حامل.
  يا أمه الاسلام  باليهود بالمسيح مو حامل شنو أنت لطشت.

وها اذا تكلي تعالي نفتر أكلبها للدنيا عبالك عندك مهمه  وآلله يا الله.

وهذه يومياتنه....

وين تصويتكم وتفاعلكم من صدك ماكو واهس....