اتصال محطم

التكمله

           ......هل تدور السنين أم تبقى ثابته......

       
حاطه راسي على الجامه وتمشي السياره وصافنه

ودموعي تنزل بهدوء عكس الثوره البداخلي وين

أني وين حيحل بيه الدهر ليش هيجي صار

وشنو التغير وليش حياتي نقلبت رأسا على عقب

چنت مرتاحه ؟  أي مرتاحه نوعا ما وعايشه.

حبيته ؟ أكيد أكيد بدون سؤال وميحتاج أصلاً

بس قلبي هسه أسود وحاقد وبودي أشوفه يتعذب

كدام عيوني وميرفلي جفن.
.
.
.
.
عام دراسي جديد وطلاب وناس كلهم جدد حابه

كلش أتعرف واندمج بهذا المجتمع الجديد بصراحه

أخر سنه كلش تضايقت بالمدرسه وكرهتها بسبب

الكلام والمنافسه المو عادله أبدا.

  _ اليوم  النه أسبوعين نداوم  طبعا بالكليه الي لاحظته احسن خط الك هو ابن صفك  يعني نفس شعبتك حالك من حاله

مو معناتها منلزم غير خطوط لا بس لأن يعرف الاوقات ويقدر التأخير.

والله وهذا الولد على كد ايدنه اني متفقه وياهم ماكعد  ابد ليكدام...

اليوم طبينه للكليه خربانين من الضحك لان چنه متراهنين  وياه على حاجه وطلع هو الغلط فكاعد.

يعل ويون شلون راح يخسر عزيمتنه على لفات كلنه ....نزلت اني كلتلهم حلوها وتعالوا......

وآلله وطبيت للاستعلامات عادي خوش ولد هناكه وعلى ايدنه اليمنى جانت البات النطلع منها للساحه

وهناك وطب ابو الخط والبنات  بنصنه وشكله يقهر

خطيه.

نيران /
مجرد مخطت رجلي خارج الاستعلامات بعدني هستوني ذبيت قدم بالساحه

هنا وكفت سسسسسسسسسسساااكككككتته

نصدمت  تفاجأت..يعني ماعرف ماعرف عيوني كلها مفتوحه عليه تلقائيا قلبي حس وعلن عن الحروب
القادمه.

رجلي ثكلت مكامت تخطي لا للأمام ولا للخلف
شعور وصدمه لعدوي ما اتمناه

كل الافكار وكلامه رجع وأفتر براسي وعرفت مراح يمر كلشي بسهوله

بالعكس شكله ونظرته ألي أدل على زلازل قادمه.

رجعت ادقق بلكت متوهمه !
شنو هذا هو لو لا
طيب  ميت

هو متخصر واكف كدام  باب التفتيش وفاتح رجله وايده على خواصره  عينه مو عليه نهائيا ؟

لا لالا.....عينه على رجلي وطول التنوره

بنص صفنتي جان يجي ابو الخط دفعني من جتفي

  _ دتحركي شبيج لزكتي دنفوت واكفه لطشتي يمعوده.