اتصال محطم

تكمله البارت

نيران/
الحياة تمشي بحلوها ومرها عشت فتره كلش مرتاحه بيتي وجهالي وخصوصا والاهم محد يدخلي
من اهله غير أم عبودي....

أنام أكعد أكل أشرب ألبس كله براحتي والجهال كدام عيني والرجال الحمد لله زين شتريد المره اكثر من هذا.
.
.
.

.........    دخلنه سنه 2010.......

نيران /
ها عيني اليوم خفر.

_ اي والله شنو عمتي متجي شعجب

_ ماعرف تكول مالي خلك....شريد منها .

_ اكلج لتفتحين الباب ابد اي شي يصير تخابريني بسرعه سمعتي.

_ شبيك اكو شي....شو احسك مرتبك.

_ لاليش كلشي ماكو دخابري عمتي اذا تريد ادزلها احد  يجيبها  اني أروح بكيفها.

_ ماخابر شنو انت من شلت قاولتني اله امج هيه براحتها تجي تروح بكيفها .

_ شكو بتليت حجيت اكلتيني.

_ تعال ياعيني احسك راسك يوجعك تعال خلي راسك هنا.......   ( اشرت على رجلي ) افركلك.

_لا خاف ماطلع بعد.

_ انت اضل بسوالفك اكلك راسك راسك فوك .

_ ههههههه استغفر الله لج جوزي من سوالفج
اكلج وين البنات.

_ نايمات بالقران اذا كمت بوستهم وكلت معليه همه كعدوا اعوفهم يعوون وماسكتهم تعرفني اخليهم سنفونيه للصبح.

والله موديل متعلم تبوس وتصيح شعليه كعدوا
شواربك عيني شواربك تنغزهم ويفزن.

_ ها وانتي متنغزج.

_ ها..ها منو اليتحارش يله عيني شوكت تجي باجر ترى ضجت طكيت ماعرف طلعني.

_ نهض روحه تمام ان شاء الله بس انزل عكب باچر
  راح طلع وقفلت البيبان زين.

هو ماعرف ليش خفر وهو الليل كله على التلفون نمتوا كعدتوا شسويتوا شعملتوا وهكذا .

_ ساعه تقريبا بالمظبوط ماعرف المهم بين التلاثه والتلاثه ونص.

سمعت شي ادعبل بالطرمه ...... اني قبل شويه سديت التلفون كتله نعست.

كمت اصنط بصراحه صح اخاف بس مو مثل قبل  يعني شفت اشكال بس أخاف على أطفالي الجوه.