اتصال محطم

البارت 57

.
.
.
... سنه 2022 ...

ثالث يوم عيد الأضحى ... اعتقد يوم الاثنين.

_ شبيج شو مو على بعضج.

_ ترى ضجت وتريد الصدك بناتك اكلوا گلبي ضايجات وهنا ميقبلون يطلعون يكلون حاره.

_ شضجتي هو انتي لحكتي تكعدين.....هسه دسمعي
خابرني اخوج يكول ديخابرج مدجاوبين.

_ شبي

_ ها حيجيب سيارة مرته لان كال وصلهم للمطار.

_ اي هيه طيارتهم بالوحده باليل اليوم.

_ اكلج شعجب اخوج مراح وياهم.

_ لا حيمشي بس مو لتركيا طيارته بالخمسه الفجر.

_ اي المهم كال اخلي السياره مال ......بالطرمه الجبيره يمكم كتله تعال عادي.

_ اوكي ماكو مشكله

هذه الرساله لكيتها كاتبه الي.

_ المهم اجه دخل السياره بالطرمه الي على الفرع لان بيتنه ركن على الشارع ... الطرمه الكبيره فرعيه والثانيه على الشارع.

اخويه /
هلو شلونج

_ هله بيك هاوصلتهم بالسلامه.

_ اي والله ..... وبعد اروح اسبح وحظر غراضي بالخمسه طالع.

_ منو يوديك.

_ سياره مال مطار طلبت .

_ تمام ..... تعال .....كاعد جوه.

_ السلام عليكم.

_ هله هله بأبو الشباب ....ها يابه وصلتهم.

_ اي والله وحروح الحك اني هم.... اكلك شبيها اختي شوكالبه على قناة تسعه.