اتصال محطم

الجزء الثاني / البارت 13

كل أنسان بنهاية كل يوم متعب مليء بالواجبات والمسؤوليات يحتاج لقسط من الراحه.....

يحتاج لخلوه مع نفسه .... يحتاج تصفية البال والفكر ....

لهذا كانت هذه السفره بنظري المتنفس ألي راح أتخلص من كل تعبي راح أجدد طاقتي ...

طاقتي الي أستنزفتها بمسيرة 22 سنه وأجيت وختمتها برجوعي من السفر ومرتاحيت من ناحية البيت وتغير الأمور علينا ....

هذه السفره چنت متأمله تكون من ذكرياتي الجميله الي أحفظها بعقلي قبل دفتري ....

دائما نشوف ونعيش بجو أفلام الرعب بس متوقعت بيوم أعيش الاحداث بالواقع وين بدوله غير دولتي بعيده عن أي منقذ ألي ...

نتقبل ونتحمل وعقلنه يحاول أن يستوعب فكرة أنقلاب شخص عليك بين مده زمنيه لكن تغير الشخصيه والادوار بين ثانيه وثانيه هذا إلي عقلي حاول ويحاول لحد الان أستيعابه وأيجاد جواب له....

أختلاف بالشخصيه أنعدام الضمير تغير الصوت وتغير لون العين والبشره والسرعه بالتنقل والقوه المفرطه كل هذه تجمعت برحلة العمر ....

.
.
.

نيران /
أرقب .. أرقب يمعود عيوني شبيك شنو نكسه بس شو باوعلي عايني أني نيران حب.....

_ يعيط ويرجف يرجف وهرج الدنيا عليه ...
كتلج أنتي نكسه لتلزميني ولج ديري بالج .. ويبعد بروحه عني.

_ أسم الله شايف منام عيني أنت شو أمشي ويايه للحمام نغسل بلكت تصحى .

_  اصلا هسه صحيت هسه عرفتچ كشفتچ ....
    هناك وعاط اكتلج والله اكتلج

مو أني مو أني ولج إلي أضحكين عليه ....لج أني طوابير عسكر تتراجف مني تجين أنتي تلعبين عليه.

_ شمسويه شمسويه غير نايمين شبيك يمعود وخر دوخر دنطيني هدومي وين رايحه وين موليه مو هياتني وياك.

_ أني أني أكتلج واخلص ... لا لا لا لا ممممااااااتتتتححححمممملللل تخونيني ولج لا لا لا.
.
.

_ شايفين من واحد بوضع التعجب صافن مفهي بوجه المقابيلي شنو هاي شديصير شكو منو ليش هيجي چان حالي .