اتصال محطم

🌸الافراج🌸

_ نداريت عليه مضيقه عيوني شنو شنو شكاعد تحجي شدراك بأهلي.

_ واكف مبتسم وأيده بجيوبه ...
  لا بس سمعت هيجي شي وها ترى أهلج فقره ميتحملون الوضع هناكه مو ثوبهم .

_ أنت ألوراها مو أنت  ألحبستهم .... شبيك شكو تباوعلي .

_ بعده بنفس نظرته وبوجه أبتسامه ...
    متحجي شبيك  !

_ روحي طلعي حيجي أبن خالتج الشفيه وبالأول    صعدي سحاب الجاكيت.

_ بصوت شبه عالي
  أنت ليش تسوي هيجي ها متحجي أبويه وأخويه   يمك أوكف أوكف أكيد يمك أي والله مبين من كلامك وأبتسامتك.

_ صوتج ليعله لا أشلعلج لسانج من مكانه روحي هسه وحسابج بعدين ... وها السبت  لترجعين بالخط.

_ صدك والله بيش أرجع بسيارتي .

_ يولو لتصنفين لا أطرج هين كوه لازم روحي طالعه تفرفرين بتراكسودج  وحدج ويه أبن خالتج عنج
وشكو أمج دازتج أصلا البيت متروس ماكو غيرج.

_ وينه وينه صدك أبن خالتي شو تأخر .

_ طلعيلو أكيد يدور مكان يصف سيارتو .

_ تحركت أحاسب

..... عاط .....

_ بوجهج للشارع وصعدي سمعتي .

_ شبيك مالك علاقه أريد أدفع فلوس مدشوف السله.

_ كتلج طلعي معليج  ....
وها لمصلحتكم السبت  لترجعين بخطج.

_ وكفت صفنت هادئه محجيت بصراحه فقط أرمش بعيني .... أكلك  أحجي شتريد  ؟

_ هههههه
شحلاتج من فقيره والله ولاعرفتج أنتي أم لسان لا لا حلوه من فقيره بس ماريد ميلوكلج هيجي روحي روحي حبابه السبت نتفاهم.

_ أني هم درت وجهي وطلعت لكيت أبن خالتي حاير وين يوكف السياره واكو واحد من التجهيزات ماعرف الي ينظم السيارات جانت قبل قليله المهم معرفت منوه ميخلي يطبك أصلا...

ملازم لتطبك كملت أمشي نروح .

أبن خالتي/
هذا لعبها ألروحي وين أصفها وعاط ممنوع أدري شارع الخلفوك صارلي ربع ساعه أريد ارهمها مرهمت
وانتي دبرتي امرج تسوكتي  ؟

_ أي شبيه جبت كلشي يله نرجع .

_ واكف بالباب وفاتح رجله وأيده بجيوبه  مخليت ولاباوعت على وجهه لاشوفه هم عصبي واخرب كلشي.

رجعنه نطيت الاغراض رتبوهن وراحو خالي وزوج خالتي يودوها .

مشى وخلص الخميس وكذلك الجمعه وهدوء لاخابر ولاشي روتين طبيعي .

_ مصباح يوم السبت أجه الخط وداومت كالعاده من بيت جدي هنا حيصيرلنه شهر تقريبا ومدنعرف شنو  قصة اهلي ....