اتصال محطم

التكمله

                       ...... نهاية البدايه.......

.
.
.

بنات تدرون شكد فكرة يله بديت اكتب هذا الجزء

تدرون ليش لأن ما اعتبرها اهم مرحله بحياة الانسان.

اي نعم هي مرحله أنتقاليه تتحول من بنت الى امرأة.

بس اخاطب اليوم اني كل بنت هنا ممزوجه لتخلين

تفكيرج ينحصر بهذا المجال فقط صدكي هي مسأله

دقايق وتنتهي كل الامور.

لكن اذا كان اختيارج خطأ لاسامح الله شلون راح

تظلين عمرج كله تعانين اول وتالي راح ترتبطين بس خلي يكون اختيار ان شاء الله يناسبج.

بالنسبه للمتزوجه هنا لنقارن ازواجنه بغيرهم ماكو هيج معادله أبدأ كل واحد وظروفه وكل واحد وطبعه.

اذا حصرنا تفكيرنا بالجنس مع احترامي للجميع فالكل وحتى الحيوانات تتجانس اكرر اعتذاري.

فرقنا انه المفروض نفكر قبل مننطي اعز شي عدنه.

بالنسبه الي اعتبر نأخذ هذا الشي بالحيله احيانا جنت افكر واسأل نفسي شنو الشي الميزني والي

خلاني اعيش كل هاي المعانات...اي نعم معانات ولحد يكلي لا من يوم الي عرفته وكتله انت متناسبني من

سنه الالفين بلغته بهذا الشي ولغاية الفين وخمسه شهر السابع مده مو قليله ابد قاومت بيها إلى

ان كالوا اهلي خلص....اي اهلي الي نهوا مو اني ....
اني انسانه احب الدراسه احب اطلع البس اعيش يا
ناس الحريه حلوه .

حتى اذا حب بس مو على حساب حياة انسان ثاني.

بهذا اليوم الي تتمناه كل بنت حتى تاريخه وتحديد
يومه هو حدده.

يمكن حبني من طريقه كلامي فعلا من احجي ويه شخص.........
مواضيعي متكون ممله ومتتعدده فلهذا المقابيلج

يحير اذا المتحدث ويا چبير اوصغير.

لكن اذا على الشكل فالعراق متروس جميلات واكثر
وانيقات ايضا.

.......................
.
.

من سديت التلفون باليل بيوم الحنه بجيت بجي على

حسي صعدوا اهلي تفاجؤوا من منظري لان من جيت

شافوني راضيه وفرحانه..

اي فرحانه لان اني ولازلت انسانه اقدر اذا المقابل

تعبلي وشفت هذا الشي بفرحته وبتقديره الأهلي.

بس شسوي لحقد وغيره وجشع بني ادم استحيفوا

بيه فرحتي بهذا اليوم..اي والله شافوها هوايه عليه.