محيط.... عائله.....عادات......
جميعها لا استطيع التكيف معها مهما دارت السنين.
.
.
.
نيران/
هنا الصبح والله يا صبح حيصير الضهر كوم يمعود أرقب فضها ترى مليت.
أرقب/
اكعدي شبيج بعد وكت
_ اكلك شبيك شنو نلطش يعني بالغرفه ؟
......شو هذا صغر عيونه.....
أرقب/
يعني هذا هو صافي يالبن...وتردين تنزلين.
_ اي عادي شعندي لعد .
_ ماعرف شو ممقتنع هيجي راسا سكتي..لو اني جنت ماعرفج لو وراج فاينه جديده.
_ لا يمعود شبيك فاينه شنو شتعرفني هذا دربي....دفتح افتح الباب خلي اشوف اهلك.
_ نيران ترى ما امشي ولملم قبل هدوم...هسه مصايبچ اعرفج.
_ هسه شلون اريد اروح للحمام شوفهم فكوا مي على التانكي.
_ هههههههههه مدام فكستي بالتانكي راحت عليج حجيه.
_ ديله مناوي تروح تودي البدله سويتها وصلتين .
_ لا خلي تولي انطيهم فلوسها اكعد اركع بيها .
كام يريد يتوجه للباب.
_ أرقب انطيني تلفوني اريد اخابر اهلي.
_ لا بصراحه لي هسه قلبي لاعب منج.
_. هيجي دكول بكيفك بعد ؟
_ يفتح بالباب ويحجي ويه روحه يكول بالقران ممرتاح قلبي ليش ماعرف.
المهم والله حمام الفوك شغال والمي بعد شوية يغرك الجوه شلون يبس البارحه بقدرة قادر .
طبيت سبحت وشلت شعري ذيل حصان اصلا هو على كتفي مو طويل كلش ولبست هذه الكلابيه المغربيه بس نص ردان وبيه كلاو من وره.
( بليه هاي الافلام مال لبست قفطان وعفط........) لاعيني تموز العراق يزهو بالنصر.
وتكرمون شحاطه ام الاصبع كريمي وذهبي ومكياج وردي.
_ شوفوا ابدا ابدا مدخل بالبيت بلبسي ابدا ولامكياجي مع العلم شباب اكبر مني موجودين من عدا اخوته ثنين ممزوجين والباقين من عمري واصغر والبنات الاحفاد حتى مخلفين اكو عدهم.
نزلنه والله اخته الوحيده خلو خط جواها اعتبرها تحبني على محبه أخوها هلهلت اول منزلنه وباركتلي وبعدين اخوته الكبار.
والله طبيت بنص هدومي شكد ميكون موقف محرج كلش البي حلو بصراحه ميترك آثار وراه رقبتي
وطكع لا كلشي ماكو يعرفني مو محجبه وبيتهم كله زلم فالحمد لله نكدر نكول مو من هذا النوع هو .
أرقب/
حطولنه شي نفتح ريكنه ولو حيصير الغده.
الحجيه/
مو اهلج اجوي الصبح بس أرقب باليل كلي اذا منزلنه ممنوع احد يصعدلنه.
أرقب/
حجيه هي لكمه لو مقاله الكلته راح وانتهى خلص .
نيران/
نيران أني مدام صرت بنصهم لازم ادرسهم كلهم واعرف نقطة ضعف كل واحد بيهم الكلام والهوسه مجيب نتيجه خصوصا ويه أرقب.
الحجيه/
انتوا تأخرتوا فتريكنه وشلنه سهمكم.
نيران/
باوعتله شنو سهمكم.
_ هههههه حصتكم يعني يمه لتحجين مشفر متفهم عليج.
اجتي مرة حمايه بحجه تتراويني صورنه وهي دتكلب كلتلي باوعي اهلج شجابوا.
طبعا اهلي ممبقين شي مجايبي ماعرف شلون مرتبيهم واكيد حاسبين حساب الفريق الموجود
بحيث العينتين عمتي شمسويه مقسمه حصص صواني هاي لبيت فلان وهاي لبيت فلان.
هنا أرقب لطش بالهول يحجي ويا اخوته وعيونه طايره يعرفني مافوته اله .
ها واكتشفت طلع عندي ثنين حموين زعاله ويه امهم الظاهر هم ملدوغين منها واحد منهم بكد والدي بالظبط يعني كبار .
حيصير تعداد عائلتهم
الولد ٧
البنات ٥
الطرح ٤
الظاهر وراثه على ابوهم ميضيعون وقتهم.
هو تعداده بالولد رقم ٦ واخير واحد الصغير بعد عيني مواليد ٧٨ يعني اكبر مني بست سنوات .
بس شنو عدهم والي لاحظته احترام الاخوه بينهم قوي كلش.
اني كاعده يحاجوني بس اهز براسي مثل الهنود.
حجى اخو واحد يكبره سبع سنوات لأرقب بس ويانه بالبيت هذا ميريد زواج
_ يول أرقب مرتك هيه هيجي هادئه لو مستحيه بويه.
_ ههههههه لامستحيه مستحيه.
الأخ/
هههههههههه شبيك ليش هيجي تكولها ؟
_ مجاوبه أرقب غلس .
شنو لاحظته هم عدهم الكلام مو بالقلم العريض لا بالهاونات ههههه يعني بصراحه أرقب طلع مؤدب يمهم.
اول قاعدة كسرتها وكسرت راسها هي ماعدهم مره تاكل ويه رجال حتى امهم متكعد وياهم...اني طيرتها لا والله شعدنه زمن سي سيد.
والله لو تدري الحجيه العب ورق ويه ابويه خههههه.
ركعته بسمار أمه......
الحجيه/
ها يمه اليوم اكو ايد وياك بالصينيه اعرفك متاكل ويه واحد .
أرقب/
حجيه تعلمي على هل الشوفه تعلمي.... وأخذ كوب الچاي من أيدي يشرب بي.
اثاري طلع تلعب نفسه اله كلاصه وخاشوكته وممنوع احد يخربط بالصينيه ويا .
هنا اخو عود الصغيروني كلها بم طارت جبهتج حجيه ورجعله الرد صاروخ ارض جو العوجيه.
تعرفون الكل كاعدين بالهول وكعدت ( چاي وچذب )
طب اخوهم هذا المشتمله بصفهم.
ابو عبد الله/
سلم وباركلي وبوس اخو وكله ها لو مو نصايحي ميكعدون هنا .
يابه أي واحد يريد نصيحه يجيني طبعا هو وأرقب فرق سنه بينهم فمخططاتهم كلها سوه .
...هو راسا باوع عليه يمكن شاف شي بوجهي وشلون مركزه بيهم ..
أرقب/
بعد اخوك لتكتهن كلهن ترى ليغرك الوجه سواها للضحك .
(وهذا جان اول واحد اطلع مخططاته من عيونه )
.
أنت تقرأ
اتصال محطم
Mystery / Thrillerمراهقه دفعها فضولها للتعرف على الشخص الخطأ وتنقلب حياتها بسبب هذا الفضول.
