اتصال محطم

التكمله

.
.
.
نيران/
راحوا  اهلي الي رجلهم صارت خيوط من الروحه و
الرجعه اختي وامي وكل اهلي اول مره يشرفون على

عيالي مجنت احجي اكول ميصير المره تنقل اسرار بيتها لان كلشي ميتغير مجرد يقل قدر الزوج كدام الاهل.

طبيت بالغرفه الجوه يمي ام عادل جايبه صينيه اكل
كالت

  _ فدوه اكلي لكمه صارلج يومين  بس على المي
عايشه بنتي رحمي الطفل الجواج.

نيران /
فدوه ماريد تؤذوني اذا اكل كله اذبه من راسي.

أم عادل/
بنتي هيه أمه النهار كله تنعي وتنوح ووكت الاكل تكول راح العزيز واجه الاعز منه.

  _ فدوه أم عدي ليش مخلوني اروح ويه اهلي ترى ما عندي احد هنا بس هو و بجيت...........

  _  سكتي بنتي سكتي الج الله ومن ثم هو والا...

  _ نمت بعيوني الدمعه وهناك اسمعهم يم راسي تحجي .

ام عادل وام عبودي ومره ثانيه.

كلتلهم المره هاي مرته الثانيه ولا شفتها بزواجهم جنت بالعمره.

  _ جاوبتها ام عبودي اي هاي زوجته.

  _ حجت المره كالت شكد عليها .

_  بشهرها اكثر من نص بي بس خطيه مخلوها
تروح ويه اهلها  .

  _ حجت المره.....كلتلهم يمه وين يخلوها نسيتوا ام
مصطفى خطيه بوكتها هم جانت بشهرها من راح رجلها بالسقوط ومنطوها عيالها...وجماله عدتها تسقط بولادتها .

ام عادل/
أي أي أذكرها خطيه تبجي الحجر چانت بوكتها عقدولها على حماها.....خطيه دكت ولطمت

بس منو يسمع..... وبس طلعت اربعين ابنها عمتها الله
يسامحها سوت هوسه الابنها اله تدخل عليها يكلج

بوكتها تكمز والله صعبه خطيه وصدك بالقوه والغصب يدخل

عليها تاليتها عمر ابنها تلث اشهر وحبلت من رجلها الي هو جان حماها.....

نيران/
اني اسمع واحس معدتي حتطلع من حلكي والله حتى جسمي ثلج هذوله شكاعد يحجون صدك كذب وين عايشين أحنه عقلي شيريد يحمل .

أم عادل/
لا ان شاء الله ميصير هيجي ولو ميسوها بس ندعي يرجع أرقب يمه روحه بيها حتى ملحك يرتاح حك صبره..

  _ كلتله المره يمه الله يستر على مرته هسه بس يكلون عقد ولدكم هوايه ما شاء آلله الكل تتبرع.

ام عبودي /
كافي يمعودين لتروح تكعد وتسمع والله تتخبل شلون حظ وين جانت وين صارت خلي يجي

ويشوف شلون ديقسمون بمرته جان حركهم كلهم
هو لأهلها ميدزها .

نيران/
  اني الهبوط عماني ماعرف يمكن حالتي النفسيه تلف لو لان ما اكل ماعرف والله