اتصال محطم

الجزء الثاني/البارت 4

حاليا شهر ال11 من سنة 2019 اطفالي صارلهم شهر من يداومون.

اليوم خابروني من مدرستهم وحده تتكلم عربي طلبت مني حظوري للمدرسه ... لبست ورحت اصلا جنت ناويه اطلع.

خابرني أرقب  ... هلو حبيبي.

هلاوين

شو اليوم اثنين

ههههه مو رايحه بشغلتين .

وين عيني صايره   Business woman

اي ههههه شعبالك لكن ابن عمي.

اشتعل ابن عمج ...
متكليلي وين ترحين يوميه متعلمتلي كلمتين تلاثه.

_المهم رايحه للمدرسه مال جهال رادوني .... وليش ما عرف.

_ اي وبعد وين.

لا لتسال من ارجع يله

_ ليش يابه سر

_ Evet

_ ديله شحجي وياج بله اكلهم احجي عربي ركصتني بت الخوش ناس مره سوري مره تركي.

_ شبيك فوك ما ثقفك .... ملازم.

_ امشي ام الثقافات .... أني ثقافتي غير شكل.

_ يله عيني وصلت كيوباشي قبل ميغرد لسانك.
وصلت وكلتلهم  Bir tercüman istiyorum   (  أريد مترجم )

جابوا طالبه بصف ثاني متوسط من اهالي الموصل بس متمكنه باللغه التركيه.

_ خاله يكلولج راح نحول اولادج الي موجودين بصف الثامن والسابع والخامس.

_ وين يحولوهم.

_ بمدرسه امام خطيب.

_ اني فزيت كلتلها لا لا ممنوع.

_ كالت خاله يكلون بس فتره دوره لمده شهرين لتقويتهم باللغه التركيه.

_ كليلهم عيني شهايدهم مين تطلع من أمام خطيب لو من كيوباشي.

_ لاخاله يكلون منا.

_ تمام/ كمت وقعت يله
( مدرسة امام خطيب غير معترف بها بالعراق ) .

وطلعت من المدرسه اني طبختلهم وطلعت مفاتيح عدهم ميهم اذا اتاخر.

حجي بيناتنه صارلي مده عاجبني اشكل رموش بس تكون طولها طبيعي.

اكو ام صالون اسمها سيركان وعدها عامله اسمها  ازادا  اتفقت اجيها اليوم تشكلي رموش.
كالت تبقى لمده شهر او اكثر بس لتوصليله مي هوايه او أنت تشلعيها .

والله شكلت شنو تكلب الخلقه لاتحتاجين كحل ولاتحتاجين مسكاره كلش حلوه.

بعدين طلعت رحت للمول اشتريتلي بناطير اثنين وبلوزات وتراكسود ولفاف ورجعت للبيت.

خابرني واني بالبيت دانزع واكدر بالهدوم.
دك...دك....دك
نطيته رفض
كتب وينج صارت ساعه بالسته