اتصال محطم

البارت الخامس

صدفه رحنه وصدفه أجينه

والعمر كله صدف

خلص بستان نخل الشوك وأنه بعازت السعفه

الجيبه الصدفه مره يجوز

ترجع تاخذه الصدفه

ليش وحدي

وجاي اضوك الشوك رجفه

وليش بس انت الصدك

والناس صدفه

ترى الصدفه مره

والصدفه اذا مرتين موعد ....

____________________

نيران/
فدوه هبه مداتحملها شنو هاي من كل عقلج راح
تكابليها أسبوع.

- سكتي نيران كوه لازمه أعصابي ماريد ألزمها واملخها.

- مستفزه شنو هل جيفه مالتها شنو خدم عدها تلم وراها.

- أشايفه أنتي بابا أشايفه اليوم رائد كال حدزها لبيت أهلها.

________________

نيران/
الم ملابسي منها ضايجه لان حيتغير مكاني ومنها
أريد هل فتره أختفي من منطقتنه.

تذكرت قبل شهر ونص تقريبا من اجاني الصبح الخط
هستوني داريد أطلع وجان المح سيارته من بعيد

أي أي

سيارته چانت BMW ولونها ماروني ومضلله نادره قبل السقوط چانت هذه السيارات ومميزه.

شكللكم ماعرف شلون ذبيت روحي بالسياره ومن فات من يمنه سويت روحي أشد قيطان حذائي.

قلبي ورجفه أيدي مكدرت أسيطر عليهم شنو معقوله
ممل ونساني.

تقريبا أخر أتصال بينه بشهر التاسع سنه 2000

وحاليا أحنه سنه 2002

عقلي مديستوعب بعدين كلت أكيد تعرف على وحده
بالمنطقه أو بالمدرسه وديفتر هنا.
.
.
.

المهم لميت اغراضي وحولت خطي لبيت جدي وبديت اداوم .

اليوم اني الي اسبوع تقريبا اداوم ومنتظمه بس
تعرفون احتفالات هوايه وره نص السنه
واليوم عدنه احتفال .

لهذا قررت أكشخ على أخر حبه
حفلة بنات شكو بيها .....

لبست قاط كامل بنطرون اسود بوري قماش وستره سوده بس شلون اكلكم مبقعه بجلد اسود هم منها وبيها وسترابلس على الخصر ماروني وحذاء مقبط عالي وسشورت شعري الكاريه
(هو اصلا الاسبوع كله مسشور)
حطيت مكياج خفيف بناتي بس شنو مبين لكن مو نشاز
(تفاصيلي محفوره بذاكرتي) ...

وهنا ومازلنا ليومنا هذا أي أحتفال لازم نودي أكل ويانه.

سوتلي زوجة خالى جدر برياني
اجه الخط الصبح ونطلقنه رحنه مباشرتا للدوام لان من يجي يكون جايب البنات ويا بس أني أخر شي.