نيران/
حاليا متوجهين بالممر للطياره سلمنه جوازاتنه اخر شي فحصوها وشافوا التكتات وانطونا القصاصه الصغيره البيها رقم المقعد سلمنه على المضيفين باب الطياره .... ذ
او ..... هاي الطياره الصغيره ام السراوين ولا احبها أحس اختنك بيها .
أم الثلاث سراوات اصير واسعه وانفه ... يله قابل
حسكن بيها هنا خروجنه من تركيا ...
بدت الطياره تمشي على المدرج الساعه الان 7:30
احجي ويا امي بعدني لأن هستوها حركت واكو شبكه..
_ اكلج انتي مجوزين من سوالفج شلون تنزلين ومتكولين لأحد.
_ مين عرفتي.
_ من رجلج كله لاخوج.
_ اني موكتله ليكول لأحد ...
اكلج يمه يله حينكطع الاتصال سلميل ...... ونقطعت الشبكه بسبب اقلاع الطائره.
طيارينه مغبون حقهم بسبب عدم جوده وكفائة الطائرات وإلا تسألوني اقلاعهم وهبوطهم روعه مره
ماعرف مرتين سافرت على الخطوط التركيه شركه
( بيكازوس ) تكول الطيار شلون السكران وطاير بينه ونزوله هيج ⬇️ مباشرتا بحيث تخربطنه كلنه.
بينما النزول العراقي لا ↙️ اول شي يمهدلج ينزل من مستوى الافق و بعدين تدريجي يبدي.
_ صافنه على الشباك ياترى هاي اخر رحله لو هم اكو
والله تعبت كلش.
_ البيت شلون فارغ والرجال لشهر الدعش يله عود يكله الدكتور أمشي.
والجو حار اني عندي غرفه كامله قافلتها بالبيت غراض بس اخشاب ماضمها أبد .
يعني الفرفوري كله
صوبات نفطيه + كهربائيه + زيتيه.
عندي لوحات محتفضه بيه مال جدار من ايام سوريا.
براد..
تلفزيونات عندي كبار وصغار
العام اهلي نزلوا فصلوا كاونتر
اخذوا طباخ
غساله
ثلاجه
بس اني اعتبر البيت عباره عن كاونتر + كنتور
بصراحه ذني ثنينهم تلمج.
زين مين حبدي ومين حنهي أفكار تضارب براسي واني صافنه .
جسمي كلش كلش تعبان ... الي يشوفني يكول شبيها نسويلها هف أطير بس أبداً أبدأ لتحكمون من الظاهر.
_ أني راح اروح لاهله لان هو هناكه ... خط عراقي القديم مالتي احترك بس اخر مره من أجه جابلي خط عراقي.
_ ها نسيت اكلكم عمتي ألي هي أمه مو توفت بسنه 2017 حمايه الصغير جان كاطع مهر.
بسنه 2018 يعني على دورت السنه تزوج وحاليا عنده ولدين ....
بعدني سارحه بالماضي والحاظر وبالمستقبل الماعرف شمظموملي بي....
_ اجه الاكل والله وجبتهم جدا كافيه تعشينه بيها
واكل حار .... بس احنه طبع بينه اله ننتقد.
أنت تقرأ
اتصال محطم
Mystery / Thrillerمراهقه دفعها فضولها للتعرف على الشخص الخطأ وتنقلب حياتها بسبب هذا الفضول.
