
.
.
.
نيران/
بعد موافقوني والدي وعمي وخالي وجدي بقرار السفر وأجمعوا أنه هذه الخطوه صح...
بعد يومين بديت امشي بهوية بنتي طولت يومين فقط .... ومن بعدها مشيت بمعامله الجواز وايدي
على قلبي خوفا من انه سقط الوكاله بس هو حاليا بأرادته طردنه ليش حتى يسقطها .
_ المهم كل الامور طولت وطلعت وخلصت لغاية
2/2/2008
انتظر بنت عمتي حاليا هي موجوده وكالت امشي على بدايه الكورس الثاني.
_ باجر اخذ اخويه واروح لمحامي معروف جدا ويلزم هيجي قضايا.
أرقب لحد الان ماكو خبر منه وكأنه مداخلين من قبل لحياته.
_ للظهر انطلقت اني واخويه والدي راد يجي مقبلت .
نيران /
بابا ليش متعب روحك هو استقسار وخلص نرجع !
مردته يجي لان خاف يمنعني عن فكرتي !
اجه سرانه طبينه استفسرنه.... بصراحه اقتنعت بكلامه.
المحامي/
بنتي كم طفل عدكم ؟
_ اثنين ولد وبنيه.
_ شيشتغل ؟
_ ........
_ ها هنا مكان عمله ؟
نيران/
اي نعم ليش اكو مشكله ؟
_ لابنتي بس !
_ استاذ سألنه وكالوا حظرتك اشطر محامي اني اريد اتنازل عن كلشي اله أطفالي واني الي انفصل عنه.
_ بنتي هذه قضيه خلع زوجج يتقبل هيجي شي ؟
_ قصدك خلع....خلع وشنو يعني اعرف.
_ صعبه بنتي على الرجل وخصوصا اذا كان منصبه هيجي خاف يسببلج مشاكل.
_ لا ميسبب لان هو طردني.
_ وندز التبليغ لبيته تردين.
_ لاطبعا اهله يخفوه عنه ... لمكان عمله.
_ رفع رأسه المحامي متعجب !
شنو بنتي واكفه كلش لعمله وكدام ربعه ؟
_ استاذ حظرتك بصفي لو بصفه.
_ بنتي انطيني اسمه ومكان عمله المظبوط.
_ كتله............................
_ ذب القلم من ايده وجه الكلام لاخويه كله دتسمع ترى حتسبب مشاكل كبيره كوني محامي قديم دانبهكم.
_ جاوبه اخويه سوي الي تريده.
نيران /
استاذ كمل كلشي يخص البلاغ بس وقفه لحين مننطيك الموافقه وندزه.
_ بنتي مو هذا موعد.
_ ميخالف ان شاء الله ماطول عليك.
جنت اتمنى بهايه المده يحس على روحه لان خبر انفصالنه اله وهو هيجي وضعه باعتبار هديه ردته يرحع لعقله يله ربكم كريم.
.
.
.
دك جهازي
_ ترن...ترن...ترن..
الو هلو زنوبه
أنت تقرأ
اتصال محطم
Mystery / Thrillerمراهقه دفعها فضولها للتعرف على الشخص الخطأ وتنقلب حياتها بسبب هذا الفضول.
