اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
.
.
.
نيران/
سنه 2006 اعتبرها اسوء سنه بالرغم من ولادة اول طفل الي بس كانت هذه السنه ثقيله جدا علينه وعلى كل العراقيين راحولنه شباب تهز الكاع هز.
كاعده بالغرفه واسمعهم دكت تلفوناتهم والبيت انخبص بلغوهم بان كدروا يمشطون المنطقه وراح يوصلولهم.
اهله واخوته كلهم كطعوا الامل بي يردون بس جثه
يدفنوها ويرتاحون لان صعبه مشمورين بالجول صارلهم كم يوم.
اني هنا كاعده بالغرفه بس اون كل صوت مطالع مني
الي يطب واليطلع يشوفني بس اهز براسي ودمعي يقطر بحظني....
احس مي الراس مال طفل وشل خلص من هلكد
متنزل عليه مايات .
صار تلث ايام اصيح واكلهم بطني حجاره ونزلت صخره صارت محد يهتم حتى أستحي أكلف أهلي
الحجيه /
ابني طول بعرض راح شنسوي بالمكاميع.
نيران/
لي هسه عندي امل بي شايفين من تباوعين على السما وتشوفين نجمه وتكولين اريد الزمها هيجي جان حالي أني أحسه موجود بس وينه وينه مو قلبي فحم.
البيت تفرغ والزوالي نمدت والجدوره طلعت وكلهم
تحزموا حتى الملايه كلولها للعصر انتي يمنه.
رجع دكت تلفونات الولد كلولهم جبناهم وبالطريق اريد اهاليهم يتلكوهم لان صارلهم كم يوم مشمورين ومقطعين حتى ملامح مباقيه بيهم.
أسمع وكل جسمي يرجف أحس قلبي طلع من صدري
وخصوصا يفتحون السپيكر من يتصلون والكل تسمع
هنا شتعل البيت بالعياط والييببووو الموضوع صار صدك.
ولحد الان ملبست اسود ومصممه هو يرجع كاموا
يحسوني فقدت عقلي
أخوته ولدهم كلهم طلعوا يتلكوا على الطريق كالوا اذا كلش منتهي وميتحمل منجيبه للبيت.
اني سمعت طلعت ركض فدوه أبو عادل جيبه بس
اشوفه بعيني هناك واجتي اخته دفعتني حيل
_ ولي من خلقتنه انتي احن منه على اخونه.
نيران/
مميت مميت صدكوني شبيكم أنتوا .
الحجيه /
ولچ اكطعج اليوم وما ارتاح راح الچان صايرلج سد راح بعد .
ام عادل /
كومي بنتي كومي للغرفه فدوه استري علينه الولد
كلهم طلعوا منو يشاكفلج منهم.
أنت تقرأ
اتصال محطم
Mystery / Thrillerمراهقه دفعها فضولها للتعرف على الشخص الخطأ وتنقلب حياتها بسبب هذا الفضول.
