اتصال محطم

البارت 46

  نيران /
  نمت يومين بالفراش الصخونه ادك بيه وحتى وأني مصخنه أحلم بي أحلم بأيامنه مچنت أعرف أني أهذري وأحجي بي.

  أتفاجأت بالبرد والثلج واني ملابسي بدي وستره   كابوي شي طبيعي أتمرض.

_ اليوم صبحت شويه احسن كدرت عادي افتر بالشقه واطلع للبلكون.

كمت كملت متطلبات الجهال ... باوعت نقص ملابس ماعدنه وحفاظات وحليب ... بأختصار كلشي يرادلنه.

_ كلت امشي امري اليوم وباجر وراها اطلع اسوك كلشي ...

شرط وحدي اريد اعتمد واندل وحدي ما أريد أصير مثل العميه من چنت بنيه أروح واطلع بس من تزوجت أرقب تكفل بكلشي وميمل وميظجر المهم ما أطلع...

بنت عمتي طالبه دراسات ومن المتفوقات مو مال اسطرها بيه وبجهالي.

_ اليوم الضهر اجتي زنوبه من الدوام كاعدين نتغده على الواهس.

زينب/
سلمت عليج اليوم ام سيف.

  نيران /
ام سيف منو ؟

_ دسكتي لخاطر الله الظاهر صدك مصخنه ودايخه جنتي .... غير جوارينه ام الدكتور.

_ هاها ماعرف والله نسيت مو على بالي ....
اكلج زنوبه الدوه شكد سوه حتى اندزلهم الفلوس.

_ دطيري ولا يقبل عبالج من ذوله المزعطه لا عيني هو سواها لله.

_ حتى لو عيب اخويه ابن عمي هو حتى يدفع الدوه ماأقبل.
.
.

_ مشت الايام واليوم لازم اطلع اتسوك من الليل دلتني زنوبه الطريق وصفتلي فدوه اخلي الجهال يمج لان بارده مو مال طلعه.

زعل برهم وظليت ارضي بي كلب خلقته بعد ابو منو يعني مو شي جديد ... اخر شي كلتلها حاخذه واريد هم اندل البنك افتح رصيد بي.

  اخذت هدوم منها لان اني جايه بالهدمه العليه اخذت كابوي ازرق وبلوز ابو الرقبه اوف وايت وقمصله جلد جوزي.

لو بالعراق البس بوت جوزي....بس هنا لا مشي كومه لبست بوتيني نفسه.

وابني واكف على الباب خاف افلت وأعوفه وعاوج بوزه عليه .... العربانه نزلتها ويايه.