علمتني الاهتمام..... علمتني كيف هو الحب
ان الحب يولد بالاهتمام والتعويد وقد يموت
الحب بالاهمال وعدم ألاحترام...
________________
نيران/
حياتي وياهم مد وجزر ناس ترفع وناس تكبس لكن
علاقتي بأرقب مستقره والحمد لله مچنت متصوره
ومتفاجأه من نفسي شلون تأقلمت ويا يمكن لان صارلي درع يحميني من الكل وصارلي ظهر أستند عليه ما أعرف بعد.
اليوم صبحنا الي تقريبا نص بالثامن بلاعيمي وحلكي
اريد افتحه ما اكدر وهو عنده دوام والصخونه كتلتني كتل.
أرقب/
كومي يابه خلي اغسلج قبل ماروح دشوفي وضعج نار كبره .
_ اشرتله ماريد.
شال التلفون ساعه بثمانيه خابر على الدكتوره جوارينهم ؟
_ بلاعيمها شايله كلها جراحه وصخونه نار شنطيها يمعوده وهذه عناديه متقبل حتى دكوم تغسل.
_ اسمعها جاوبته
كلتله أرقب بالثامن هي يمعود ونحس الثامن نبتعد
عن الادويه خليها تغسل وعليك بالسوائل الحاره.
خواته هنا كلهم اليوم وكل يوم أصلا مجموعات
أرقب/
رايح أني بس عينكم عليها ولو بس دزوا الجهال يشوفوها وسولها شوربه او سوب اي شي المهم شي حار.
أجه اخذ جنطته
_ نيران عيوني حروح وبالي يمج بس اني ترى
بغداد مو خارجها .
_ اشرتله اي.
_ سد الباب وراح.
اخذتني النومه نومه محد أجه ولا سأل ولاكال وين ساعه بالثنتين الظهر اجتي اخته الصغيره مزوجه
جايبتلي شوربه.
اني خليتها بحلكي مقدمه لساني احتركت من كمية
الفلفل الاسود والاحمر متعرفين شحاطين بيها .....
واكفه فوك راسي ها طيبه.
نيران/
مممم عاشت ايدج بس شنو كوه اطلع الكلمه
اخذي راحتج ترى اكل على كيفي.
_ لعد خلصي وادز وحده من البنات تاخذ الصينيه.
طلعت وكمت بيه مابيه فرغتها وخليت الكاسه
فارغه خلي توكفلي اكو واحد بلاعيمه والله كلها
جراحه ينطوا فلفل احمر واسود.
_ ساعه بالثنتين صعدت تحجي بالتلفون اسمعها على الدرج اي اي عيني صاعدين نازلين عليها وأكلت وشربت شوربه لا أرقب ليضل بالك صدك كذب.
_ أيا كذابه صاعدين نازلين....نزلوكم للكبر.
_ طبتلي عيني هذا رجلج ثبرنه.
_ اي تمام فاتحه الحاكيه سديتها باوعتلها بكلبي كتله طبج مرض.
_ الو...
_ ها عيني شلون صرتي كالوا زينه.
_ مممممم.
_ شنو مممممم. .....مشربتي شوربه.
_ لا شلون تخبل اصلا يوميه اريد منها اوكف خلى اسألها شخاله.
أكلج طيبه عاشت ايدج شخاله بهارات تخبل وفلفل لأن طعمها يجنن .
أرقب/
شنو بهارات ! شنو فلفل !
_ اني ماجاوبه....لان دتحجي الافنديه هذا ماجي وشويه بهارات شوربه وفلفل أسود واحمر
ممممم مو داكول طيبه عاشت أيدكم.
أرقب بس سمع طبك التلفون.
نيران/
الو.....الو....
أكلج خطيه يمكن خلص رصيده.
طلعت وهي كلها فخر بشوربتها الفتاكه والله ليجي
يسبحكم بيها اخ ارتاحيت عبالك حتى الصخونه راحت...نمت وهناك
واسمع عياطه جوه سباهم بحيث عدهم خطار خزاهم.
ماشوف اله.......
أنت تقرأ
اتصال محطم
Mystery / Thrillerمراهقه دفعها فضولها للتعرف على الشخص الخطأ وتنقلب حياتها بسبب هذا الفضول.
