اتصال محطم

تكمله للبارت

.
.
.

     1/1/2015

_  كعدت الصبح أتمطه وأتثاوب يا  يابه جسمي    مكسر والله تعب شفت التلفون يضوي وسكت 
عفته كمت غسلت.

رحت اشوف شكو ماكو لزمت التلفون ... شنو هاي صاير انقلاب واني ماعرف هاي شنو المكالمات
عزا ... عزا....خاف امي بيه شي.

الوالد ٤٧  مكالمه
الوالده  ٤٠
اخويه  ٢٥
اختي  ٣٢ 
والرسائل محسبتها ليش احط رقم بكيفي.

_ ركض دكيت على امي ...

الو

ولج وينج

نايمه شكو احجي بيج شي.

ولج بتي الفديو الفديو

يا فديو يمه

الدزيتي شبيج

اي شكو شفتي شلون ون ....(بعدني ممكمله) .
  ولج بنتي اصخمتي  !

خير يمه بعدنه اول يوم شكو صخام  ؟

رجلج شايفه .......وسولفت شلون شافه.

اي والمطلوب هسه  ؟

يا احنه محتركين وهيه الفهاوه كلها عدها اكلج منمنه رجلج خبلنه.

يمه روحي نامي احسن خليني اخابره .

..................

_ الو

_ اي عيني كعدتي عروسة السبعه.

_ لا صرت قديمه ....شكو دخل دعدوش لبغداد.

_ دعدوش منو ولج هذا هنوب

_ هذا الي تحاربوا ....كاعده ادلعه الك مو مكابله وكاعد.

_ وين جنتي البارحه.

_ يا اخي بأمسيه ... مكانك موخالي ...جان كعدت وتخزر بهذه الوجوه الطيبه.

_ مطنشه المدام !

_ جدا جدا  ومناويه اعكر صفو مزاجي يا أخي .

_ بت الاوادم منو اخوج.

_ انت عيوني انت ....
  نسيت هنا اني من 2013 وهسه 2015

_ بعياط ....مممنننوووو سمحلج اطلعين اتولين حفلات.

_ اني سمحت الروحي.