نيران....
كاعده بالصاله الفوك أشتغل وأجهز طلبات البنات واتراسل واقره سوالفهم بالكروب واضحك .
_ خابرني أرقب.
_ الو هاعيني ..
ها حتتأخر ؟
لا والله داشتغل متعشيت
زين انتظرك جايب عشا
لا نامو جهالك
ماعرف يمكن بس الولد بغرفتهم كاعدين
أوكي تمام تمام.
.
.
.
هناك وسمعت طكطكه بالبلكون.........
الساعه 10:35
عيوني أخذتني لباب البلكون الغيرنا قبل فتره من رجوعي للعراق النظره خلتني أسرح وأعود ألى .....
عوده لبداية الالفينات........
_ واكفه كدام المرايه أجهز للدوام وروحي طافره من الوضع الخلاني بي.
ضيع سنين من عمري أني أركض وهو يركض ورايه
واني أختل وهو ينبش ويطلعني.
وتاليتها يطلع ألاخ مزوج ومرته حامل وتكوم التسوه والمتسوه تحجي عليه آوف آوف لو يوكع بيدي أكطعه بسنوني .
نزلت أنتظر الخط جوه سمعت التلفون الارضي يدك معلن عن أتصاله الصباحي.
حتى موعد نزلتي عنده ومن أطب وأطلع وحتى شاكل يدخل بي.
باوعت على التلفون لعبانه روحي منه ومن الوضع كله ياربي وين أروح وأخلص .
ترن..ترن..ترن..ترن..ترن...........
والدتي/
يافتاح يارزاق من الصباحيات حتى وجهنه ممغسلي.
_ غسلي يمه غسلي هذوله ناس أكيد بطرانه.
طوط .. طوط...
والدتي/
بنتي خطج يدك بالباب طلعيله .
_ أي يمه سمعته.
طلعت صبحت وصعدت وهنا البنات ميحاجوني من يشوفون وجهي كله يتبدل من أنغث لهذا يتجنبوني.
_ فتنه على شارع مدرستنه نروح نجيب بنيه لمحت سيارته فاتت لشارع مدرستي.
عشتوا شخلك ساعه تلفون وساعه يوكفلي بالباب شغل عمل ماعندك التهي بروحك بعائلتك بمرتك شكد فارغ دايره راسي على الجامه وأدردم بگلبي .
بعد ما أخذنه البنيه وصلنه الخط للمدرسه شفته واكف بس بسيارته مينزل.
لأن بعد الموقف إلي نحطيت بي وآني ممجبوره كمت بعيونه ماكدر أباوع وعلى أساس چنت أتغزل بي ....
ولا أرفع تلفون عليه حتى لو أعرف امشي الوضع هيجي بلكت يمل .
المدرسه بالطلعه أله يجي الخط واطلع بوجهي اركب .
أنت تقرأ
اتصال محطم
Детектив / Триллерمراهقه دفعها فضولها للتعرف على الشخص الخطأ وتنقلب حياتها بسبب هذا الفضول.
