اتصال محطم

التكمله

نيران/
اي وحتى انت اذا ندكيت بيه مارحمك وعليه كتلك أني.

_ مسح وجه واستغفر ربه  ولج اني قبل كم سنه سميتج حيه.....ليش....ها كولي ليش

  _  ليش.

  _  لأن ألف لون الج .

  _ ايباه هيج اني بنظرك.

  _  اي وداعتك وتعرفين ماحلف بيج جذب..تردين
الصدك مرات اكول تحجي وياك وتظحك وهيه تدبرلك غير شي .

  _  هههههههههه لا هسه انت حباب وكمت شويه احبك.

  _  هههههههه حباب اني يله همزين ههههههه...باوعي
طيرتي ظوجتي خرب ببليسج ههههه حباب.

وهكذا سحبت عصبيته بنجاح.

مشت أول أشهر حملي كلش كلش صعبه اول ثلاث اشهر حتى عظام وجهي وصدري ينحسبون من هلكد مظعفت .

اليوم كاعدين على العشا اشوف عمتي بحلكها حجي و أرقب كاعد على اعصابه كل شويه تريد تحجي ويسكتها .

طبعا هاي الثلاث اشهر الفاتت كل شهر يوديني
للدكتوره يجيك وظعي لان الهبوط خبلني بصراحه اني واكفه اوكع من طولي.

كاعدين على القنفه بالهول ..

أرقب/
ندار عليه شلونه ضغطج اليوم.

  _ لا احس روحي احسن  بلكت خلصت ذيجي التلث
اشهر .

  _ هز راسه وساكت .

  _ هناك وأمه فجرت القنبله ؟؟
وشصار كلسع شبيج وشبيج كللها حجيب ابني يمي يربه بيت ابوه شنو تمانع حظرتها .

نيران/
اني كله ساكته انتظر جوابه وعيوني تفتر بينهم .....
بس هو لا جاوب ولا علق....

اباوع عمتي شلون الابتسامه شاكه حلكها ..

كمت بهدوء شلت صينية العشا وغسلت المواعين واريد اصعد فوك.

سمعتها كلتله شبيك احجيها بوجهه وهي تسكت شدكول يعني .

أرقب/
شلون وياج شلون كتلج اني اكلها اني افهمهه هسه
يله شافت عافيه حيطير الحجي يعني.

الحجيه/
شسويلكم سوالف اكلها وماكلها طبها مرض.

كملت صعدت لغرفتي وسديت الباب قفلتها ونمت
وره ساعه حسيت شكد يدك الباب على كيف يصيحني

_ نيران... نيران ... فتحي عيوني أني أفهمج والله
فتحي يول يضل بالي عليج.

  _ ابد سويت روحي ميته ولا أسمع
اني القهرني شنو مو أبنه هو طفل شنو ذنبه..القهرني
مسمعت منه.

كعدت الصبح ونزلت
_  صباح الخير.... توجهت للمطبخ وره شويه أجاني

أرقب/
ليش البارحه قافله الباب ها ؟

  _ ...............

  _ احجي وياج جاوبيني.

  _ ...............