اتصال محطم

الختام

أسوء أيام مرت عليه وأسوء سفره ولحظات مرعبه

متوقعت راح أعيشها......

لكن الحمد لله عدت وشبه أنتهت نكدر نكول...
.
.
.

خلال الفتره الرجعنه بيها جان لازم نكمل الطابق الارضي بأستثناء الصاله لان أعتبر بيها شغل هوايه.

غرفه الصغير راده كله سبايدر مان سويناها اله تك ضلع ورق حائط.
والاضلاع الباقيه صبغ.
البراكيتات والثريات الوسطيه هم ماعرف وين لكاله سبايدر مان.
المروحه جابه اله لون ازرق
السكف سواه اله سماء وعصافير وغيوم شي كلش حلو.

غرفتي بدلت الشباك لان بقه بس هو مو المنيوم و
صبغ وتبديل كاشي للغرفتين لان شفته تعبان.

فصلنه بردات واجه هو شدها مع السجه مالها سوينه مثل اللوحات بالحايط.

جوه الدرج هم صبغ والحجر كله اخذوا قاط تلميع.

كلها أمور وملاحظات أحب أعيشها بيتي ومع عائلتي
احيانا هذه التفاصيل البسيطه تخلقلج جو من الراحه داخل بيتج .

_ بقه الاثاث !
اجاني أرقب يحك براسه من وره.

_ اكول شتردين اثاث الج وللولد.

_ ماعرف.

_ لتباوعين عليه كلت ما أخذ مره وافتر بيها بالمعارض كليلي التردي شنو واني عندي استعداد شهر أفتر واطكلج صور واختاري.

_ شلون وياك متمل أنت.

_ شنو آمل اليخاف على عرضه موخوش أدمي هذا اني متعودتي عليه

_ اكلك روح كلشي ماريد منك.

_ تاليتها الخاطري ما خاطري .... كتله
ماريد بيبان سحب مليت للكنتور ماريد مري بالبيبان
واريد الكنتور الركن هذا الحرف L شلون الشفناه بتركيا.

وللصغير شوف وصورلي ظل صافن بوجهي يمكن يكول بگلبه شهل دوخه هاي ...

والمهم أختاريت وأجوي شدوها من نفس المعرض بصراحه عجبتني .....

الغرفتين نفس التصميم من ناحيه اللون جوزي واسود ومناحيه بيها بيبان زجاج شفافه والموديل طبعا يختلف.

لهنا أعتبر الحمد لله البيت كمل لكن الحياة هل والمشوار يقتصر على أثاث وكاشي فقط....
.
.

لهذا اليوم زوجي معزم أهله يجنب طبتهم وخصوصا من شاف أهلي طولوا وكتله جانوا ناويين ياخذوني وضل أنت فر بعينك وحدك.

طبعا مكلتكم رجب و شعبان....
ثبروني عيالي بالثوابات وشنوا كل علاكه هل كبرها وباكيت كامل كيلو اكثر حلويات.

متعرفون باكيت رايح وباكيت جاي وأرقب من يسمع.

الو

اهلك جابوا ثواب