
... الغربه مرض يقتل ويأكل الانسان داخليا ....
.
.
.
نيران/
وصلنه لحد تسليم الجنط بقت بس العربانه كال
أرقب/
حصري بيها وسلميها أباب الطياره.
_ ليش تحجي وعينك بالكاع ليش متباوعلي.
_ شال راسه
ديري بالج على الجهال ضيعي كلشي غراضج جنطج بس عينج على الجهال والاهم على نفسج نيران طالعين من قلبي ترى ربي يصبرني .
_ ماريد اروح ليش كاعد تجبرني ليش تبهذلنه.
_ روحي وان شاء الله كم شهر ولاحكم.
_ أرقب تجي لتورطني ترى راح أحسب يوم يوم لجيتك .
_ بوس الجهال شلع خدودهم شلع ... واخر شي حضني وباسني براسي
كال
روحي بعد ماكدر اطب لان هنا الختم ماوصيج اعرفج كدها .
_ مشيت وجهالي ويايه هو واكف يباوع علينه.
_ وكفت بالسره الي لازم نختم بي الجوازات كدامنه عالم وكفت خليت الجهال كدامي وأباوعلهم لا يا الله مسؤوليه چبيره كلش حكدر ماعرف.
_ قبل ميجينه السره عفت الجهال بالسره والعربانه
ورحت عليه كتله أرقب...
كلي تجينه لتعوفنه وحدنه ماكدر ماكدروحدي شسوي.
_ كولي يا الله ان شاء لاحكم.
_ ورجعت للسره وختموا للأطفال واحد واحد عبرتهم.
هنا ختموا جوازي بس ليش عبالك دامشي على گلبي ماعرف احس گلبي يرجف صعبه.
( لحد يكلي رحتي لتركيا وعشتي .... تركيا اذا امد رجلي اوصل الهاو ....هنا غير غير وماعرف احد ) .
ختمت وعبرت شال ايده وكال فوتوا وسلم وراح.
عيوني ظلت عليه ......شسوي ابطل وارجع
اهلي وافقوا .... بعدني بسمله اباوع داير مدايري كلهم جهال كلهم يباوعون عليه يخافون مچلبين بيه
جبيرهم تسع سنوات .
كعدتهم يتفرجون على الرايح والجاي.
_ دك التلفون شفته أرقب
_ الو
_ ارجع تعال اخذنه
_شبيج يمعوده
_ ماعرف تعال اكلك شسوي رايحه وحدي
_ميخالف تتعودين وبلكت اجي.
_شنو بلكت بعدنه مطرنه ... مو كلت اجي.
_ اي اي يمعوده لعد شيكول واحد.....سمعيني تلكين هناكه واحد من كصتي وهيجي مواصفاته.... شايل قطعه مكتوب اسمج تعرفين هذا هو .... الياخذكم للشقه الكتله يأجرها .....
_ وشلون أثق بي اني ؟
_ يمعوده هذا مثل اخويه على الحلوه والمره سوه جنه ليش لعد أختاريت هايه الدوله على مود هو بيها وعائلته وأهله هناكه .
أنت تقرأ
اتصال محطم
Mystery / Thrillerمراهقه دفعها فضولها للتعرف على الشخص الخطأ وتنقلب حياتها بسبب هذا الفضول.
