اتصال محطم

البارت 60

بارت اليوم جزء منه مرتبط بالحاضر.

_ التاريخ الجمعه 22/9/2022

_ اكلج مكتلج الصبح اتصلت بمستشار قانوني على شغلة البيت اذا يروح ثلثين للدوله.

_ اي بله شكال.

_ لايابه ماكو هيجي شي
كال يروح للدوله اذا ماعدها اخوه خوات ... يكول مين جبتوها لهل معلومه.

على العموم تدرين دخت اني والله نسطرت بيت يسواله مليار ونص شنو يروح شنو ثلث متاكل عندي هالي السالفه.

_ هنا حاولت استدرجه بالكلام !
الله يرحمها لأمك ليش سوت هيجي.

_ ولج لذكريني بالغاليه من (........)

_ أو دسكت اسكت كل ميجي طاريها انتو ولدها تنبشوها نبش ميصير بابا ميصير اولا أمكم وثانيا الميت ميجوزله بس الرحمه.

_ مالج علاقه انتي شفت منها ها مو دمرتنه كلنه الولد المزوجين ياهو التلزمي هسه يشعلها طشرتنه

طشار واحنه متعلمين على اللمه ليش خلتنه كل واحد بديره اوف لذكريني بكعداتنه ... وكت ابويه ألف رحمه على روحه تنزل.

_ أبوك ألف وأمك صفر.

_ ديري بالج تقارنين ابد لجيبيها على ابويه تذكرين بيتنه اول واحد اصغر شويه من هذا كلنه لامنه بي

اخوتي تلاثه مزوجين بي وكلمن خلفته كومه احنه كلنه شباب وجهال والبيت يروش.

يروح للعلوه مالتنه يجي من الباب يكللنه فرغوا البيكب لكمه ميحط بحلكه اذا مو كلنه ناكل لحد اصغر حفيد.

شتحجين انتي جانت تكدر تفتح حلكها لعبت بينه لعب كرهت الخوات بالأخوه والعكس.

سامعه فديوم ولدنه ذكروا والدي بسوء لا الكل تترحمله.

وانتي ديري بالج تكليلي خابرتني وحده من خواتك تريد فلان شي وهاي ابد.

يدكن الج يعرفون اذا تكليلي حسويلهم الشي اني اكلج كلهم انطيهم حضر.

_ شبيك يمعود ابتلينه ماكل سمج لشوط.

_ انكس من امهم مصلحجيات تذكرين اخر شي.................

_ يله بعد راح وصار واجينه احنه شكو بعد تحز بخاطرك.

_ لج لا بعرس عرفونه لا بولاده طفل الج لابطهور لا اني بعمليه شذكر منهم.

أطبلهم اني هيجي تحصيل حاصل والا همه بالط ........ميجون على بالي هيجي مسمومات ورثتهم نفس الجهره.

_ تذكرين السوار الكلبجه الجبته الج ب 2004 بميلادج

بشرفج شلونه 18 مثقال لاشفت منه ولا راح اشوف ... وانتي الخوش ادميه مقبلتي تاخذي تدرين بيش صار عليه لو اسكت.

_ لا اسكت بس صدك هو فدشي شكله وتصميمه وتداخل الذهب الملون بي بداعه.

_ داكلج مشفت بعد منه.
صدك اخلي بسترتي تذكريها الرصاصيه الشتويه وانام بالصاله اكعد .... الكي ماكو.