السعادة لاتدوم طويلا......
للسعاده عمر محدد .......
هناك من يتربص لأنهاء لحظاتك السعيده......
وكر الذئاب لا ينام أبدا وجحر الافعى ملغوم دوما....
.............................
نيران/
بعد متزوجت وبديت أتكيف وأقتنع بواقعي وحياتي
ورغم كل الامور والعوائق المريت والداعيشها لكن
أرقب رغم سلبياته والسجن المعيشني بي وأهله المينطاقون بس حنيته عليه وحبه الي ودفاعه عني
وطلباتي المجابه ولمن يكون بالبيت ميقصر نهائيا
خلاني فعلا أغير وجهة نظري عنه وهنا أثبتت أنه
الشخص مينعرف اله يجمعكم سكف واحد.
أرقب عنده قوانين من ضمنهم مانع نهائيا جيران
اطب علينه وخصوصا احنه مقبلين على زمن الطائفيه الله يلعنه اخذت منه شباب بعمر الورد والله كلمة ابطال قليل بحقهم هنا منطقتهم هوايه بيها مسيح .
بس اكو وحده مانعها نهائيا اطب هيه مره جبيره بس شنو تقره فنجان وتنقل اسرار البيوت من بيت الى آخر.
أرقب هنا مهدد اكثر من مره هوايه هوايه توصله
تهديدات لذلك فكرة انه اطلع وحدي بيت مستقل بعيده جدا .
أول الناس اهلي ميقبلون....قبل ميعرفون مهدد بسبب عمله مقبلوا اطلع .
هنا حماتي الحبابه رجلي بس يلتحق تشيل التلفون...
_ الو هلو ام مارتن مريلنه اليوم أي أي راح والله هله هله بيج.
ويكعدون دك خيره وسوالف أني أشوفها مابيها شي بس بعد تعليمات أرقب وفعلا أشوفها تسحب كلام منها .
اليوم نازل ان شاء الله سرحت شعري ولبست تراكسود عادي لتكولون حتى لو خمس اشهر البس يصيح وأرقب يصيح اختنك ابني نفهي يول .
المهم كاعدين المغرب !
نيران/
شاورته أرقب سويلي كهوه ما أعرف اني !
أرقب/
هههههه شعجب تحبين القهوه ؟
_ مادري ضربت ريحتها بخشمي.
_ دكومي لعد سويلنه انتي ؟
_ ملازم ماريد تعرفني ما أعرف اسويها .
_ لا يابه لزعلين كومي يمي أسويها وأعلمج.
_ كمزت قبله.
_ لوبس شويه تركدين وتبطلين هل كمزه .
مجاوبته اصلا سواها وصبها وجبناها للهول
نطيناهم.
_ ها يابه عجبتج ؟
_ شربت...مممم عاشت ايدك.
_ بالعافيه يابه بس ترى موزين.
_ يله ميخالف.
ومشى الوقت عادي سوالف ونقاشات شربت وكملت وجان اكلب الفنجان...بم بم
أنت تقرأ
اتصال محطم
Mystery / Thrillerمراهقه دفعها فضولها للتعرف على الشخص الخطأ وتنقلب حياتها بسبب هذا الفضول.
