اتصال محطم

مشاهد من البارت السادس

///سديت باب الشارع واني وجهي خارط صدك جذب .
حرام بالحرام اذا احد سولفليا اكله امشي لك شنو شايفني قشمر وتسولفلي هيجي قصه فلم هندي قابل

خبلني صدك من كالت صديقتي قبل سنتين يطلعج من جوه الكاع
طبيت اسحلها الروحي سحل .

بيبي منو
.......

شبيج يمه منو على الباب
فزيت ها هذا ولد على مهند ابن خالي جان بالخامس ابتدائي

جاوبت امه خلي يولي لتكليله يريدون يلعبون طوبه والدنيا ظهاري

اني بس اهز براسي
كوه جاملتهم اكلت لكمتين وطفرت
بيبيتي وين ولج مو ثبرتيني
شبعت.

رحت كعدت على القنفه هاي المخصصه مال تلفون ارضي يحطوا عليه كعدت وضليت صافنه بس اريد استوعب حتى اعرف شحجي .

قررت اخابر شنو هيه وليه كوه شجلب صدك جذب خبلني سنتين من عمري راحت وهسه رد طلع

لكن المناظره هنا صعبه بين بنيه بعمر ١٨ سنه والمقابيلي تقريبا ٣٣ سنه
قررت اخابر

ترن. ترن. ترن
(حرك دمي مشاله راسا)
انرفع الخط
كلت الو
يابه ياهلا ومرحبا كلمه وحده اكلج اذا مخطوبه الج اسبوع تفسخين .