نيران/
واخيرا أجه عمي بعد أنتظار دمر أعصابنه التوتر والقلق والخوف كلها نجمعت بيوم وبساعه وحده...
_ أي أي يمه يمه تعالي أجه عمي.
_ أجيت أجيت بلكت أجوي ويا.
عمي/
السلآم عليكم.
_ جدي والكل
وعليكم السلام.
ها يابه بشر وينهم الجماعه.
عمي/
شبشر عمي شبشر من الليل لي هسه أريد أعرف وين أخذوهم مدنعرف.
جدي/
شنو القصه لعد أنت مو ظابط أنت ورتبتك وموصلتلهم شمسوين غير نعرف.
عمي/
حتخبل حتخبل غير أعرف وين أخذوهم وشمسوين لو بس أوصل ألهم.
خالي/
ربعك شي ميعرفون يوصلون ألهم .
عمي/
ابو سجاد
أني على الجيش ذوله........ يعني شغلهم دفن أله بعد كم يوم همه يبلغونه بعد التحقيق وياهم.
_ أمي هنا نهارت ...
دك ولطم شلون بينا والدي منا واخويه هل واحد هو قبل سنه او اكثر دفعنه البدل لكل ولدنه وينهم وين العسكريه.
عمي/ خالي/ جدي
كافي يمعوده أستهدي بالرحمن ليش مفاوله عليهم بالشر خلي نندل دربنه .
والدتي/
شلون يابه شلون وينهم خاف يعذبوهم خاف راحوا ومنلكيهم بعد ... ولكم الحكولي نهجم بيتي
يابه يابه الحكلي وين رجلي وين أبني تعرفه فقير شلون شلون بيه وشلون بيهم .
جدي/
يتقدم على امي يواسيها
كافي بنتي كولي الله ان شاء الله يبينون للعصر ليباجر بالزايد بلكت أشتباه ويفرجون عنهم كلنه نعرف ماعدهم شي.
والدتي/
شلون يابه مشفت ولكم غير مشفتوا ألاخذوهم مينعرفون ملثمين كلهم ولكم حطوا كلبجات بيدهم من وره يايابه چتفوهم كدام عيني ....
أخ يامن يطببهم عليه هسه.
ولكم أريد أبني هو هل واحد كومو كومو دوروهم شلون يمر اليوم وهم منعرف بيهم وين.
_ امي هنا منهاره تماما متعرف شتحجي وشتكول سكرها أرتفع وحلكها يبس والوجه كركم وآني مصطكه وأباوع بالوجوه هبطة البارحه لي هسه بيه وماخذه ركن بس دموع عيني تصب.
بعد مهدت شويه والدتي.
جدي/
كومي كومي بنتي حظريلج شكم هدمه وكومي ويايه أمج هم عفتها متخبله كومي يله بنتي.
والدتي/
لايابه لا ماعوف البيت خاف يرجعون شلون .
جدي/
حتى اذا يرجعون هم تلقائيا يجون لي عدنه يعرفون ناخذكم هناكه.
وجه الكلام الي.
كومي يله نيران جدو بدلي ملابسج وقفلي البيت زين دنشوف شلون تفرج علينه وعليهم .
أنت تقرأ
اتصال محطم
Bí ẩn / Giật gânمراهقه دفعها فضولها للتعرف على الشخص الخطأ وتنقلب حياتها بسبب هذا الفضول.
