اتصال محطم

البارت الثاني والاربعون

نيران/
نفسيتي تعبت لمرحله روحي مطايقتها بس بعد وبعد
بس كاعد أدوس على روحي واضغط واتحمل كل

طاقتي أحسها ستنزفت بهل شهر الفات أريد أشوف
شلون تصفى ويا......

أرقب من سيء ألى أسوء مديتحملني ولاطايق
يشوف وجهي أحسه يتقزز هذا شعوري ومغلطانه بي

مع العلم الي يشوفني واني حامل يكول شوكت لحكتي تشسورين تنظفين جسمج تهتمين بالولد

بالبيت بكلشي ممقصره..... شنو سبب نفوره غريبه.
.
.
.

اليوم الي اول يوم بشهري راجعت الدكتوره كالت كلش كلش ننتظر  فد عشر أيام على الاقل احنه نكول يكبر الطفل.

_ عيالي بين البيتين يم بتهم المات زوجها وهنا يرحون ويجون ميتركوها أبدا وحدها.

_  أرقب بعده متخبل عبالك جني وراكبه يشوفنه اني وبرهم يعيط الصوت من راسه يوميه اكول يتغير
ويرجع وبعدين اكول خلي اجيب ويحلها الف حلال.

_ رحت لبيت جدي ماخذه ويايه المستمسكات الاصليه كلها وهي :

عقد زواجي
الوكاله العامه
اوراق مقتل حمايه ولده.

_ موجودين اهلي واختي وبيت خالتي والله تونست وغيرت جو.

_ بعدين سحبت نفسي من بيناتهم رحت على زوجة خالي وسحبتها على صفحه.

_ اكلج

  _ كولي عيني

  _ حنطيج مستمسكات اريدج تستنسخيها فدوه.

  _ ليش  ؟

  _ بليه ليش عفيه بعدين تعرفون.
   انطيتها الها ورجعت كعدت وره تقريبا نص ساعه    رجعت صاحتني من باب المطبخ.

_  هاج نيران عيني ولو ماعرف شسوين بيها اتمنى مادخل بمشكله وأتورط.

_ ههههه شبيج ياعيني يامشكله بس لتحجين لاحد.

_ ورحت كعدت يمهم بعد ما ضميت كل الاوراق بالجنطه صارت ساعه بالتسعه خابرته.

نيران/
هلو عيني .

أرقب/
هله

  _ وينك شو مجيت .

  _ شتردين هسه.

  _ تجي تاخذني غير شريد.