اتصال محطم

....أنا وعقلي وأنتم....

.
.

نيران/
وهنا بعد مسديت التلفون....

هف تعبت ومقابله
والله الداسويه غلط...اي...اي...غلط.

زين شلون والله حرت شصرف
اني مو قصدي بهذه سوالفي اعلقه بيه
لا..لا..ابدا.

اني هذا طبعي.
ظحوكه..والبقلبي على لساني..اني لحد هسه مكذبت عليه.

صح مرات اتحكم بإدارة الحوار..يعني اعرف شوكت احجي هذه الجمله وشوكت اسكت بس مكذبت ولا كتله احبك.

زين شسوي ابقى ويا ديتعلق ويچلب بيه اكثر زين
اعوفه يخبلنه كلنه والله حيره.

عجيب امره انسان يباوع على حلكي شكله وشحجي ومرتاح حتى اذا الكلام مسه يعبره المهم مرتاح.

بس اني مو من الناس الي تنطي مفاتيحها بسرعه.

ماعرف داحس اكو شي غلط ممكن صغر عمري بوقتها  أو عدم معرفتي الكبيره بهيجي أمور
ماعرف..ماعرف..

اني لو اريد حتى اذا جان المقابيلي فرحان ومرتاح..
بسهوله عليه اكدر اقلبها وافره عليه بس لحد الان هو
مكايلي شيريد

كاعده يم التلفون أفر السوالف الدارت بينه.

هذا الحجي كله وامي مسويتلها طاوه حب شمسو قمر وكاعده هيه وجارتنه الفلسطينيه ماعرف الاردنيه عايشه....بالحديقه على الكرويته.

المهم طلعت شويه يمهم شو ضجت أحب كعدت بيبيتي وخاصة الامثال..
ههههه كلها مجمعته يمي.

وهكذا بدت تمر الايام تمشي لاعلانها عن وصول العام الدراسى الجديد.

ترن...ترن...ترن

شلته اني كام يعرف شوكت يخابر من والدي ماكو لان يطلع رقمه.

اما عنده رقم الخباثه اسمي من اظوج منه او ماريد كم يوم أحاجي
هذا من يدك علينه يطلع بالكاشف(0000).

ابويه يكول معناته راجع للدوله ومحد اله حق يكشفه.
المهم خابر وحاجيته كلي فرح.

نيران/
هلاوات

نبراس/
الله..الله..شكلج طاير يابه.

  _ أي ظجت من كعدت البيت..اني احب الدوام والدراسه.