اتصال محطم

تكملة للبارت

.
.
.
نيران/
هنا بهاي الدقائق والعاصفه المرت عليه وماعرف بساعتها شصار تعرفون بيت أهلي على الشارع

وصوت الهاون قريب مرت اخويه تكول جام غرفتج ارج رج عليه .

طالعه راسا بالبالكون شايفه جاهل تعال خاله شكو هذا الصوت. ؟

  _ خاله وكعت هاونات بسوك........

_ هيه متخبله مخابره اخويه تلطم ولك الحك نيران
بالسوك ووكعت هاونات هناكه وممبينه لي هسه هيه.

_ هنا اخويه عايف المحل على صديقه الجان يمه
وجاي للسوك يكول فريت السوك اربع مرات وانتي
ماكو.....ظلمت الدنيا بعيونهم .

سائل عالم كلوله اكو مياته واكو جرحى ودوهم لهذا
المستوصف بين متوصل ألاسعافات بين مواصل للمستوصف بألف ياالله رجليه من الهبطه متشيله .

نيران/
صحيت جسمي يون ون عليه ماعرف بيش مركوعه ماعرف طايره مادري ليش احجي بكيفي بس راسي مفتوح مال اربع غرز تقريبا.

أثاري القمريه مال المحل كلها واكعه عليه
وصلني اخويه اشوفه راسا كعد بالكاع ولزم راسه .

  _ ولج نيران شسويتي بيه حتى المستوصف فريته كله ايست منج .

  _ تعال تعال أسندني وطلعني منا أختنكت لتروح اطك وحدة لخ خل نطلع يمعود.

_ والله رجعنه للبيت....هو اليضحك وين همزين
غراضي جايبيها ويايه.

رجعت للبيت بدلت هدومي حتى وجهي وكصتي
تشخط وراسي اعتقد كالوا لو اربعه لو خمسه اخويه
شافه كال اربع خياطات.

_ أكلج ليش متردين أحجي كدام أبويه ليش ماوصل خبر لاهلي.

  _ أكلك متعرف أبويه من نوع يحجي بالاخبار والامور هوايه وميرضى على هاي الخربطه واكيد أرقب يمر يمهم ويصير موضوع شجابني على هل دوخه.

  هوايه سمعنه فلان نعلس فلان طكوا ليش مو منه......لا خلي يولي يدافع لذولاكه عبالك مو شعب واحد وناس مناسبه ناس صرنه واحد ياكل الخ.

_ فاهلي كلشي موصلنالهم ابد يعني شيردون يسوون بس يضل بالهم سكتنه وكعدنه.

_ مرت هاي الكم يوم وهنا أجه اليوم الي لازم تولد بي زوجة اخويه.

هم جابت عمليه بالراهبات شافها من جبت  وعجبته نظافتها يعني بنته وابني ولد سنه وحده.

ابني بشهر السادس وبتهم بشهر ال12 .

جان اتفاقهم قبل ما اجي أنه من تولد تروح يم اهلها
وهو يروح يمها لان ابوها رجال جبير وبس امها
فتحتاج ابره حاجه.

يحسبون أخويه مثل أبنهم وكلوله بس احنه تعال يمنه.

بروحتي تبدلت الامور .... وصعبة ويه وجود منع التجول....
همزين الارضي موجود ملتهيه اني وام عبودي وام عادل خطيه جانت عدهم ..

ام عادل ووالده ام عبودي بنات خاله. نتخابر الليل كله نسولف.

_اليوم زوجة أخويه الها اسبوع جايبه خابرته بالاربعه العصر .

  _ الو وينك الحكني بنتك شو تختنك وتغص بالحليب وتزوعه من خشمها .

_  وين اوديها هسه شلون بعد شويه يصير المنع تجوال.

_ امها هنا ادك وتلطم.

نيران/
فدوه روح خطيه وهاي مرتك نفسه لتنهبط شي دروح.

  _  زين قفلي زين بين ماروح وارجع.
.
.

احنه حاليا 20/12 من سنه 2006

بيومها بالخمسه العصر لزمتنه مطره من هاي التعجبكم ابو المولده طفاها وكعد موبايل ماعندي الارضي كام يخرخش..

صارت بالسبعه واخويه ماكو بعد شويه منع التجول
بيت اهلي كبير كلش حتى المشتمل المستأجرين طلعت المره  خافت من الاوظاع.

كمت قفلت لأن أيست يجي بثمانيه اله ربع شايله
لايت بأيد وابني بايد قفلت باب السطح زين وبيبان
الجوه ثنين والبلكونات تلاثه.

المولد ماكو....اخويه ماكو... والارضي انقطع بالمطر معروفه.

مرة ليله عليه دقيقه هيه الدقيقه عيوني مغمضت
هنوبه البيت كله كام يطكطك.

مجربين من صنطه تكوم تطلع اصوات من جوه الكاع

اشيل التلفون الارضي حجاره.
............................

بمكان اخر......

اخويه منطقة مرته حاصروها الامريكان من السته
العصر لويش محد يعرف وطولت السالفه للمنع.

هناك وخابر على خالي.

  _ الو
شلونك خالو
متكدر توصل لنيران ترى وحدها بالبيت واني نحصرت هنا.

  _ خالي معيط عليه تخبلت انت شلون تعوفها بالبيت وحدها مو على غفله مداهمات اصير شلون
من غير منطقتكم تعرفها.

_ ماعرف وآلله خالي شلون .

_ وثنينهم محد كدر يوصلني ويدكون ميحصلوني
بحيث اخويه صاير فلم ويه مرته.....عن لسانها.

..........................

نيران/
ساعه بالوحده باليل واسمع همس بالشارع كهرباء ماكو افتح شويه من البرده وآلله شفتهم ملثمين ويتوزعون على الافرع.

يعني هنا لازم قلبج يرجف مو عمري چبير هنا كلش حتى عقلي يتحمل كلشي بس نفسي بالبيت ابني طفل ونايم.

ماكللكم هاي الاحداث كلها مفتحت لامفكره ولاشي لان محفوره براسي.

لحد مبين خيط ضوه الصبح اني عافيتي راحت.

ساعه بالسته وربع الصبح .......

الباب تكسرت عليه..... وكفت أرجف واصيح
   
              ..... منو...... منو.......
.
.

يتبع.