اتصال محطم

البارت واحد وثلاثون

نيران/
مرة الأيام والاسابيع والعمر يمشي بينه ماكو شي ينتظر تعلمت وتأقلمت على حياتي ويا صح قيود

هوايه وتغيرت بنسبه 95% بس وجوده بحياتي
يكفيني ... ربي مقصر ويانه ورزقني بطفل حينور

حياتي ويكون لهو اليه يعني الانسان ضروري يتأقلم بكل محطات الحياة حتى تمشي ومتتعرقل.

دخلت بشهري وعبر اول أسبوع صح تقلصات وألآم تصير لكن مو ولاده أرقب متحمس شوكت أولد

يكول تعبت أكثر منج دكتوره سونر حجز تلقيح كله هو ويايه لهذا عاش كل المراحل من غير بطني

وجعتني ظهري لزمني هو كله يواسي بيه اول حمل وتقلبات المزاج والتغيرات التصير بالجسم صعبه

كلش تكون لهذا بس دخلت بالتاسع لو عليه يفتح بطني على كولته بس أريد أشيله بيدي وأشوفه .

أهلي رجعوا من السفر على ولادتي وكلشي نكدر نكول تمام لحد الآن بأستثناء عيالي الي مينصلحون ابببااااااددد.

اليوم المفروض أرقب يلتحق وآني كلش مراضيه أو الاصح خلي أعترف خايفه عليه لان رايحين بنص

النار الدنيا مشتعله هناكه وآني بلياه أضيع هنا بوسط اهله بس هو الي.

_ اكوم عيني اسويلك ريوك.

_ لا يابا ناكل بالطريق....انتي أرتاحي وريحي وليدي.

_ اكلك شي بس متحجي عليه.

_ كعد على الجربايه وجرني يمه...كولي حب.

نيران/
أرقب لتروح لسامرا والله بالاخبار مشادات واشتباكات ما ادري شو البارحه تفرجت راسي كام يوجعني.

_ هههههه ولك بطوط شكو تباوع اخبار وثانيا احنه ليش رايحين حتى نفك هاي الهوسه.

_ بلكت ارجع واشوفه مشرف الافندي.

_ لا ماجيب اله تجي منو يوكف ويايه.

_ ها عيني مو اهلج موجودين واهلي وان شاء الله اني على رأسهم لتخافين.

باسني بخدي وراح ماعرف ليش كل مره من يروح
للدوام عادي ارجع انام هسه هيجي اروح واجي الوب وروحي مختنكه كلش

احنه حاليا سنه ٢٠٠٦ الأوضاع هناكه موتمام والطائفيه عالكه بكل العراق يعني ماعرف ليش

صارت قصة الطائفيه شو اني واختي واخويه كلنه ازاوجنه من غير مذهب.

هف شبيه احس كلبي طك هسه ليش اوهوس خلي أطرد كلشي من راسي.

هناك وصاحت عمتي عليه وينج تعالي هذا رجلج خابر يريدج.

نزلت والله ركض اخذت التلفون وعمتي تفر بيدها
معاجبها

_ الو.

_ هلو حبيبي ...نمتي ورايه.

_ لا والله ظل بالي عليك.