اتصال محطم

التكمله

.
.
.

نيران/
التلفون بيدي والخط يسوي... طططططوووووووططط.

ضليت صافنه والتلفون على اذني شنو هاي شكو شبي ليش هيجي سوه .... بنص افكاري حجت امي .

_ هايمه وينه رجلج.

_ اداركت الموقف يمه عدهم اجتماع وميكدر يجي حاله انذار عدهم.

(  لساني ينطق شي وراسي يفكر بشي ماعرف منو    صاير عنده هل حاله ).

  والدتي /
اي خطيه ويه هل اوضاع الله حافضهم وناصرهم ان شاء الله.

_  اي يوم اي ان شاء الله يمه فدوه اذا طلعتي عود سدي الباب شويه امدد.

_ ونمت ...ونمت...ونمت...

_ افكر راسي يشتغل تصدكون حتى واني نايمه يشتغل ومازال دورات اتمنى اطلعه لعقلي وبالطابوكه افلشه.

ومر ثاني يوم وثالث يوم ورابع يوم..... أهلي أنتبهوا.

والدي /
شنو قصته رجلج معقوله مبين .

_ انذار يابه الاوضاع موتمام.

والدي/
  والله ولا اصدك بعز المهمه العنده يبوك نفسه ويجيج غريبه هسه.

_ صافنه بوجهم شجاوب وشلزك..... كلامهم صح.
قلبي قلبي يدك يدك يدك يوجعني والله حاسه أكو شي غلط بس شكول وشحچي .

الحسره البيه تكتل السكوت يموت يذوبج من   الداخل اصعب شعور هو تمنعين دمعتج ومجبوره تتغير تعابير وجهج.

  الولد كدامي يلعبون والطفله بطني دتحارب ويايه   اي والله دتحارب متمسكه بهل الدنيا الي امها اول

مرفعت راسها انكفخت بأبوها اسوء واحقر شعور حسيت بي ذيچ  الايام.

بصراحه من ازوجته لي هسه تاهت عليه ياهو اليوم الاصعب.... مشكلتي مو ماده لاوالله مو فلوس

  لو ماده اني اصيرله فلوس....اي اصيرله..
حبيته ليش الكذب ....  أسوء شخص الي يكذب  على نفسه ويحاول يبرر لروحه.

  اول رجال عرفته .... اول شخص يفرض روحه على   قلبي .... اول رجال يلزمني .... ابو اطفالي....

قلبي ابيض وفارغ ليش ماحبه لا حبيته وحبيته هوايه...  بس خوفكم من غضب الانثى اذا نجرحت اسحك واحرك الكل.