اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
.
.
أمشي وأكول راح يلحكني راح يچلب بيه مراح يسمحلي أطلع أني حب حياته أني اكبر أحلامه مثل مچان يكلي....
فتحت باب الشارع وطلعت من هذا البيت اني واطفالي ماعندي طاقة حتى أوكف مو أمشي أحس ظهري نكسر الألم البيه يعادل ألم ولادتي بعشر أضعاف......
صعدت السياره وعيني عليه بلكت يطلع هسه يندم و
هسه يلحكنه ميهون عليه زعلنه.
بس وينه ماكو ماكو....
باوعت هذا نفسه البيت الي طبيتله بالحيله وطلعت
منه هم بالحيله.....سبحان الله.... ماكو شي يدوم.
نطلق بينه الرجال بعد ماكال شلونج عمي نتبهت و
خجلت مسلمت عليه.
الطريق كله كله كره العالم شلته بقلبي حقد الدنيا كله
بعيني عليه ..... لحد يلومني اعتبر نفسي قاتلت اي
قاتلت على مود الم هاي العائله بس هو طشرنه....
سجلوا وحسبوا تاريخ خسارتي اي خسارتي بس ربحت جوهرتين ابني الي خال راسه على رجلي
ديغفي وبنتي الي ابوها مشاف حتى شكلها ذوله ربحتهم منه ومن عمري الخسرته.
3/1/2008 تاريخ نطبع بقلبي قبل ذاكرتي تارك بصمته چبيره كلش عليه.....
الساعه 12 وعشره يوم خروجي من البيت الملعون.
_ وصلت اهلي واني كلي انتقام وجهي ميكصه السيف أصفر أصفر كركم نقطة دم ماكو بيه أحس
ابد ابد مكرهته بصراحه هيه مو دكمه وندوسها نحب ونكره وخلص .....
بس لو يبجي دم بدل الدمع مراح اسامحه أخ أخ يانار قلبي حطمني دمرني بيه صرخه ترج الكون كله.
وصلت ونزلت وكلي ثقه راح أنتقم بس راسي مشتت بعده مداكدر أجمع شسوي.
والدتي/
هله يمه هله ليش مكلتي جايه يمه برهم عيون بيبيتك ولك تعال تعال بيبي طيني بوسه.
والدي/
صافن ابد محجى ويشوف تعابير وجهي القاسيه.....
وجه الكلام لوالدتي !
اوكفي يامره خلي نشوف بنتج شبيها وليش جايه وحدها بهل برد وبتها بنت نفاس ؟
اي بنتي احجي من طبيتي وانتي ساكته وين رجلج.
أنت تقرأ
اتصال محطم
Misteri / Thrillerمراهقه دفعها فضولها للتعرف على الشخص الخطأ وتنقلب حياتها بسبب هذا الفضول.
