ប្រពន្ធក្មេងបង Billionaire (Completed)

EP08 : ប្រពន្ធយើងហាមប៉ះ!!

-JB Supermarket

ដូចការសន្យាកាលពីយប់ បន្ទាប់ពីជូនទៅមន្ទីរដោះបង់រុំក្បាលតាមវិជ្ជបញ្ជាពេទ្យរួចរាល់ហើយ ពេលនេះបង Billionaire Man រូបសង្ហាររបស់យើងក៏បាននាំអូនប្រពន្ធក្មេងរបស់នាយមកដើរ Shoppingនៅក្នុងផ្សារទំនើបហើយ។

និយាយទៅយកប្ដីជាសេដ្ឋីនេះណា៎ គុណសម្បត្តិច្រើនណាស់ មិនភ័យព្រួយរឿងលុយកាក់ចាយវាយនោះទេ អ្វីដែលសំខាន់បានបងសេដ្ឋីតាមយកចិត្ត ថ្នាក់ថ្នមដូចកែវពេជ្រចរណៃនេះទៀត ទើបជាសំណាងល្អបំផុត។

" អូនចង់បានវាឬ? " Yiboដកដៃចេញពីចង្កេះនាយតូចហើយលូកចង្អុលទៅតុក្តតាកូនជ្រូកខ្នាតធំសាច់វាទន់ៗ គួរឲ្យស្រឡាញ់ខ្លាំងណាស់ គេដាក់តាំងក្នុងហាងមួយ។

" អឹមៗ អូនចង់បានៗ!! " នាយតូចចូលមកឱបដើមដៃម្ខាងរបស់នាយទាំងងក់ក្បាលផ្ងក់ៗថាចង់បាន ទើបYiboបញ្ចូនកូនចៅដែលដើរតាមយួរឥវ៉ាន់នោះចូលទៅទិញឲ្យនាយតូចកូនក្មេងរបស់នាយ។

" នេះបានអ្នកប្រុសតូច! " Manដើរចេញពីក្នុងហាងមកវិញ ជាមួយតុក្តតារូបកូនជ្រូកពណ៌ផ្កាឈូកយ៉ាងធំ Zhanឱបសឹងមិនស៊ប់ដៃ។

" អូនអរគុណ ហិហិ " Zhanសើចស្ញេញអរគុណនាយដែលទិញមកឲ្យ ទាំងតុក្តតានៅក្នុងដៃ Yiboលូកដៃឱបចង្កេះគេពីក្រោយហើយបន្តដើរទៅមុខទៀត។ មួយផ្សារទំនើប ហាងមានប៉ុន្មាន នាយក៏ឲ្យនាយតូចទិញឡើង80%នៃហាងទាំងអស់នោះទៅហើយ។

" Ahh Yibo មកបានយ៉ាងមិចហ្នឹង? " សំឡេងគ្រលធំបន្លឺឡើង មុននឹងរូបសង្ហារសមសួនស៉ីវិល័យដើរចូលមកទាំងបើកស្នាមញញឹមស្រស់។ ប្រុសមួយម៉ែត្រប៉ែតសិបប្រាំបីម្នាក់នេះមានឈ្មោះថា Kang Jangbin នាយត្រូវជាម្ចាស់ផ្សារទំនើបមួយនេះ ហើយក៏ត្រូវជាមិត្តរបស់ Yiboកាលពីសម័យនៅរៀនផងដែរ។

" នាំប្រពន្ធមកទិញរបស់ " Yiboឆ្លើយតបតាមធម្មតា ព្រោះពួកគេក៏នៅមានទំនាក់ទំនងជាមិត្តជាមួយគ្នានៅឡើយ តែថ្ងៃមង្គលការគឺនាយមិនបានអញ្ជើញចាងប៊ីននោះទេ ព្រោះចាងប៊ីនមានការរវល់នៅក្រៅប្រទេស អ្វីដែលសំខាន់នេះជាលើកទី1ហើយដែលចាងប៊ីនជួបចាន់នោះ។

" ហីយ៉ា! ស្អាតដល់ថ្នាក់នេះឬ? ទេពអប្សរទេដឹង? "Jangbin ងាកភ្នែកមកមើលនាយតូចវិញ តែក៏ត្រូវភ្លឹកៗនឹងសម្រស់ស្អាតបែបធម្មជាតិរបស់គេ ស្អាតបែបកូនក្មេង ស្អាតបែបគួរឲ្យស្រឡាញ់ នាយក៏សរសើរក្មេងម្នាក់នេះដែរ។