ប្រពន្ធក្មេងបង Billionaire (Completed)

EP14 : ម៉ាក់រកបានគ្រូពេទ្យមានសមត្ថភាពហើយ!

+BinChae Scène

Jangbinដើរចុះមកតាមកាំជណ្ដើរជាមួយសម្លៀកបំពាក់សាមញ្ញនៅផ្ទះ ដំបូងនាយថាត្រឡប់ទៅខុនដូវិញតាំងពីព្រឹកមិញម្ល៉េះ តែម្ដាយរបស់នាយនិយាយសុំពេក ទើបនាយព្រមនៅចំនួនមួយថ្ងៃទៀតទៅ។

អ្នកកំឡោះដើរចូលទៅក្នុងផ្ទះបាយរកមើលអ្វីញ៉ាំព្រោះនេះក៏ល្ងាចទៅហើយ កាលពីអាហារពេលថ្ងៃនាយមិនបានចុះមកញ៉ាំនោះទេ ដោយសារមិនចង់នៅរួមតុអាហារជាមួយនឹងក្មេងម្នាក់នោះ។

" អុះ អ្នកប្រុសត្រូវការអ្វីមែនទេចាស? " អ្នកបម្រើក្នុងផ្ទះបាយ ភ្ញាក់ផ្អើលបន្តិចពេលឃើញនាយ ក៏រហ័សសួរនាំនូវអ្វីដែលនាយចង់បាន។

" ខ្ញុំគ្រាន់តែចុះមករកអ្វីញ៉ាំបន្តិច "

" ចាំពួកខ្ញុំរៀបចំឲ្យ អ្នកប្រុសសុំទៅចាំនៅខាងក្រៅចុះ ចាំរួចពេលណាខ្ញុំនឹងលើកទៅជូន "

" បែបហ្នឹងក៏បានដែរ...តែ អ្នកម៉ាក់ទៅណាហើយ ហេតុអ្វីមិនឃើញ? " បម្រុងនឹងដើរចេញទៅហើយ នាយក៏នឹកឃើញងាកមកសួរមកសួរវិញ ព្រោះក្នុងផ្ទះស្ងាត់មិនឃើញម៉ាក់របស់នាយ។

" ចាស អ្នកស្រីចេញទៅផ្សារបាត់ទៅហើយ ប្រហែលបន្តិចទៀតទើបមកវិញ អ្នកប្រុស "

" ចុះ .....? "

" អរ គឺអ្នកប្រុសឆេនៅគេងលើសាឡុង ទើបនឹងញ៉ាំបបរហើយមុនអ្នកស្រីចេញទៅមុននេះទេ " នាងឱនខ្លួនឆ្លើយតបនឹងនាយ។ ក្រោយពេលបានចម្លើយ Jangbinក៏ដើរចេញមកវិញ សម្ដៅទៅរកសាឡុងតែម្ដង។

នាយកំឡោះឈរជ្រែងហោប៉ៅសំឡឹងទៅក្មេងប្រុសស្លូតបូត ស្លៀកអាវអៀមខាប៊យ គេងចំហៀងឱបតុក្កតាជាប់រួញខ្លួនចូលគ្នាធ្វើមើលតែម្រូមប្រេះ។

" ខ្ញុំមិនបានអាណិតឯង តែខ្ញុំស្អប់ឯងទៅវិញទេ ហ្គូ សាន់ជេ!! " Jangbinនិយាយឡើងទាំងអារម្មណ៍វិលវល់ នាយក៏មិនយល់ខ្លួនដែរហេតុអ្វីមានចិត្តស្អប់ក្មេងប្រុសស្លូតត្រង់ម្នាក់នេះ ទាំងដែលគេក៏មិនដែលមកធ្វើអ្វីនាយផង។ ប៉ុន្ដែគ្រប់ពេលដែលគិតដល់ត្រឹមនេះ ខួរក្បាលរបស់នាយក៏តែងតែបញ្ជាប្រាប់មកវិញថា ត្រូវឲ្យនាយស្អប់ ស្អប់ ហើយនឹងស្អប់!!?