ប្រពន្ធក្មេងបង Billionaire (Completed)

EP15 : អូនគ្មានចេតនាទេប្ដី!

+TaeKook Scène

ស្ដីពីថេយ៉ុងដែលរត់គេចខ្លួនចោលមិត្តភក្តិសំឡាញ់ចិត្តថ្លើមប្រម៉ាត់មកនោះ ពេលនេះក៏កំពុងស្ថិតនៅក្នុងបន្ទប់ទឹកសាធារណៈមួយកន្លែង ដើម្បីលុបលាងមុខឲ្យស្អាតឡើងវិញត្បិតបើដើរឲ្យគេឃើញមុខដូចខ្មោចនេះ បាក់កាលីប Cutie ប្រចាំសាលាអស់ហើយ។

" អ្ហឹកៗ សុំទោសតែយើងភ័យពេក មិនដឹងឯងសល់ឆ្អឹងឬអត់ទេ កាចាន់អើយ!! " ថេយ៉ុងឈរពេបមុខកញ្ចក់ នឹកស្ដាយក្រោយដែលខ្លួនរត់ចេញមក។ តែនិយាយតាមត្រង់ទៅ មុនពេលរត់ចូលបន្ទប់ទឹកនេះ គេក៏សម្រេចរត់ទៅរកចាន់វិញដែរ តែឡានបានចាកចេញបាត់ហើយ ទើបគេសម្រេចចិត្តរត់មកវិញ។

" អ្ហឹកៗ..បើមិចម៉ាចាំយើងធ្វើបុណ្យឲ្យណាឯង អ្ហឺ!! " និយាយផងយំផង ដកទូរសព្ទចុចមើលរូបថតពួកគេទាំងពីរនាក់មកឱបជាប់ទ្រូងផង។

" ពុទ្ធោ! ស្មានតែខ្មោចយាមបន្ទប់ទឹកទេតើមិញនេះ!! " Jungkookបើកទ្វារចូលមកទាំងចៃដន្យ សំឡឹងមើលមកថេយ៉ុងដែលឈរយំមុខកញ្ចក់ទាំងហួសចិត្ត និយាយលេងសើចអី មុននេះនាយភ័យមែនទែនណា៎។

" ខ្មោចយាមបន្ទប់ទឹកក្បាលឯងហ្នឹង!! " Taehyungសម្លក់ Jungkookតាមកញ្ចក់ទាំងឈឺចិត្តស្អិតទ្រូង មិនដឹងយ៉ាងមិច មនុស្សតែស្អប់ដឹងតែជួបរហូត។

" ឯងនេះឈ្លើយណាស់ យ៉ាងណាក៏យើងបងឯងមួយឆ្នាំដែរ! " Jungkookច្រត់ចង្កេះស្ដីឲ្យ ទើបដើរចូលទៅលាងដៃនៅម្ខាងជិតTaehyung។

" បងៗទៅ យើងខ្វល់? ម៉ាអារៀនថ្នាក់ជាមួយគ្នាសោះ "

" អរ! មែនហើយ ឯងគេចសាលា? "

" ស្អី? នរណាប្រាប់? " Taehyung បើកភ្នែកស្លើ មិនមែនខ្លាច គ្រាន់តែភ័យថាJungkookយករឿងនេះទៅប្រាប់ប៉ាម៉ាក់គេទៀត។

" បើមិនគេចចាំបាច់ភ័យ? មុខឯងនេះគួរឲ្យសង្ស័យណាស់! " Jungkookលើកចញ្ចើមបែបចាប់កំហុសថេយ៉ុង ឯថេយ៉ុងក៏ងើយមុខឡើងធ្វើឫកពាឡេះឡោះខ្លាចថាជុងហ្គុកចាប់បាន។

" មិនបានភ័យ យើងទៅភ័យអីនឹងឯងនោះ? " Taehyungងាកទៅពើងទ្រូងដាក់ Jungkook យ៉ាងអង់អាចក្លាហាន ហុហុ..មិនបានភ័យទេ តែយើងឡើងញ័រជើងទៅហើយ នេះបានចំជាមនុស្សមានពិរុទ្ធមែន!