ប្រពន្ធក្មេងបង Billionaire (Completed)

EP05 : ពូឆាប់លួងអូនមក!!

ស្របពេលដែលសង្រ្គាមស្នេហ៍រវាងបង Billionaire និងអូនប្រពន្ធក្មេងបានចាប់ផ្ដើមនៅខាងលើបន្ទប់នោះ យើងសាកក្រឡេកមកមើលអ្នកដែលនៅខាងក្រោមវិញម្ដង។

Taehyungដេកប្រះខ្លួនទាំងមុខស្អុយចងចញ្ចើម ព្រោះមានមូសមកខាំរំខានដំណេក ដេកកណ្ដាលវាលបែបនេះ បើមូសមិនខាំទើបចំលែក។

" អ្ហា៎ៗ...យើងនឹងសម្លាប់ឯង បើឯងខាំយើងទៀត!!! " នាយតូចស្ទុះក្រោកអង្គុយស្រែកឡើងទាំងនៅបិទភ្នែកនៅឡើយ ដៃលូកទៅវៃខ្យល់ ក្ដៅក្រហាយនឹងសត្វមូសជាងស្អីទៅទៀត។ បន្តិចក្រោយមកក៏ទម្លាក់ខ្លួនដេកវិញទាំងលើកដៃក្រសោបឱបខ្លួន។

" ហឹស! " សំឡេងសើចចុងមាត់បែបអស់សំណើចបន្លឺចេញពីនាយសង្ហារដែលអង្គុយលើប៉ាវអ៉ីសំឡឹងមើលមកមនុស្សតូចទាំងហួសចិត្តជាខ្លាំង។ Jungkookស្ទុះងើបចេញពីប៉ាវអ៉ីបោះជំហានចូលមករកក្មេងខ្លះដែលដេកឈ្លោះជាមួយមូស មុននឹងបន្ទន់ជង្គង់ចុះបម្រុងលើកបីគេ។

" សូម្បីតែគេងក៏ឆ្នាស់បានដែរ កំឡោះតូចអើយ! " Jungkookអស់សំណើចសារជាថ្មី លើកដៃវាសសក់ដែលធ្លាក់បាំងមុខរបស់ថេយ៉ុង ទទួលស្គាល់ថានៅសាលាពួកគេទាំងពីរជាសត្រូវស៉ីសាច់ហុតឈាមឈ្លោះគ្នាបែកផ្សែង តែនរណាទៅដឹងថា ក្រោយខ្នងនាយសង្ហារសម្បូរស្រីចោមរោម Jeon Jungkook ម្នាក់នេះបានលួចធ្លាក់ក្នុងអន្លង់ស្នេហ៍ Kim Taehyung កំឡោះតូចកំពូលឆ្នាស់ឆ្នើមម្នាក់នេះនោះ? ហុហុ គ្មានទេ!!

អឹប!
JKលូកដៃចូលគន្លាក់ជើងរបស់Taeលើកបីគេហើយដើរទៅរកប៉ាវអ៉ីមុននោះ ទើបដាក់គេចុះឲ្យគេងព្រមទាំងស្រវារកកន្សែងមកដណ្ដប់ឲ្យគេទៀតផង ឃើញគេដេកឈ្លោះជាមួយមូសបែបនេះ នាយមិនដាច់ចិត្តសោះឡើយ។

" គេងលក់ឲ្យស្រួលទៅ អេ៎!..យប់នេះខ្ញុំបានគេងឱបឯង សំណាងណាស់មែនទេ? " Jungkookចូលខ្លួនទៅប្រជ្រៀតជាមួយនាយតូច ហើយទាញគេមកឱបជាប់ទ្រូង លួចថើបក្បាលកូនប្រុសគេខ្សឺតៗអាងថាថេយ៉ុងមិនភ្ញាក់មកជេរ។

តាមការពិតនាយមិនចង់ឈ្លោះទាស់ទែងអីជាមួយថេយ៉ុងអីប៉ុន្មានទេ តែដោយសារចិត្តស្រឡាញ់ចង់នៅក្បែរ ទើបរកវីធីញ៉ោះឲ្យគេខឹងហើយឈ្លោះគ្នាជាមួយខ្លួន គេចូលចិត្ត គេពេញចិត្ត ពេលឃើញអ្នកម្ខាងទៀតខឹងថ្ពាល់ឡើងក្រហមគួរឲ្យស្រឡាញ់នោះអី!!