ប្រពន្ធក្មេងបង Billionaire (Completed)

EP29 : ជាគម្រោងរបស់ពួកអូនមែនទេ?

" ឡើងស្អុយ ក្លិនផោមច្បាស់ណាស់!! "

" អ្ហឹកៗ ទ្រាំលែងបានហើយ!! "  ជូអានយំចេញមកហើយស្ទុះរត់ចូលទៅបន្ទប់ទឹកបាត់ម្ដងទៀត ទាំងដៃទាំងពីរយកទប់គូទ ធ្វើឲ្យអ្នកដែលរៀបគម្រោងការនេះអង្គុយសើចឡើងចង់ធ្លាក់ពីលើកៅអី មិនលើកលែងសូម្បី មេការនីម ម៉ែដោះ និងអ្នកបម្រើផ្សេងទៀត។

" ហាស៎ហាស.....!!! " ចាន់និងថេយ៉ុងងើយ.កលើកដៃក្ដោបពោះ ម្នាក់ៗសើចឡើងក្រហមមុខ វាគួរឲ្យអស់សំណើចពេកហើយ តែសើចយូរៗក៏ងាកទៅឃើញក្រសែភ្នែកមាំមួយគូសំឡឹងមករកទាំងពិភាល់។

" ជាគម្រោងរបស់ពួកអូនមែនទេ? " អ៉ីបូសួរជាមួយសំឡេងស្មើរឹប ធ្វើឲ្យថេយ៉ុងនិងចាន់ក្រឡាប់ភ្នែកចុះឡើង អាកាសធាតុប្រែប្រួលធ្វើឲ្យថ្ងាសពួកគេចាប់ផ្ដើមហូរញើសចុះមក។

" មិន..មិនមែនទេ! ហេតុអ្វីអូនត្រូវធ្វើបាបនាង? " ចាន់តបទាំងញ័រមាត់ខ្លបខ្លាចនូវទឹកមុខសំឡឹងមកដោយដាក់កំហិតមួយនោះ ទើបរហ័សឱបឈ្ងោកញ៉ាំបាយធ្វើមិនដឹងមិនលឺ ឯថេយ៉ុងក៏ដូចគ្នា លែងហ៊ានសើចលឺៗទៀតហើយ។

" ម៉ែដោះ សាឡាដសល់មួយចានទៀតមែនទេ? យកមកឲ្យពួកគេទាំងពីរញ៉ាំមក! " ពេលឃើញក្មេងក្បាលខូចទាំងពីរមិនព្រមទទួលកំហុសដូច្នេះ នាយក្រាស់ក៏ងាកទៅនិយាយជាមួយម៉ែដោះ ធ្វើឲ្យពួកគេទាំងពីរចាប់ផ្ដើមភ័យ នេះមិនមែន [តម្រិះជិះកឯង] ទេហេស?

" អេ៎ អូនសុំមិនញ៉ាំទេណា៎ អូនមិនចូលចិត្តអាហារបែបនេះទេ!! " ចាន់លើកដៃរាចានសាឡាដចេញ បដិសេធទាំងធ្វើមុខញឹមៗ ហើយលេបទឹកមាត់ក្អឹកៗ ព្រោះដឹងច្បាស់ណាស់ថាបើគេញ៉ាំនឹងបានចេញប្រតិកម្មដូចជូអានមិនខាន។

" មិនចង់ញ៉ាំក៏ត្រូវញ៉ាំ!! ឬមួយក៏ក្នុងនេះមានដាក់អ្វី ទើបមិនហ៊ានញ៉ាំ? " នាយសង្ហារដេញទាន់ជាន់កែង លើកចញ្ចើមម្ខាងសួរ ដោយទឹកមុខឌឺដង ចាំមើលថាក្មេងពីរនាក់នេះនឹងប្រកែកយ៉ាងមិចទៀត។

" គ្មាន..គ្មានទេ ខ្ញុំញ៉ាំក៏បានដែរ ហិហិ! " ថេយ៉ុងរហ័សឆ្លើយជំនួសហើយយកចានសាឡាដមកដាក់នៅនឹងមុខ មុននឹងលេបទឹកមាត់ធ្វើមុខចង់យំសំឡឹងទៅវា។