ប្រពន្ធក្មេងបង Billionaire (Completed)

EP44 : គ្រប់យ៉ាងត្រូវបានបញ្ចប់!

-ព្រឹកថ្ងៃថ្មី

ពន្លឺនៃព្រះអាទិត្យចាំងឆ្លុះចូលមកក្នុងបន្ទប់គេងដ៏ធំទូលាយ ស្អាតបាតព្រោះមានអ្នកចូលមកសម្អាតរាល់ថ្ងៃ។ ក្មេងប្រុសអាយុ18ឆ្នាំ ដែលកំពុងគេងនៅលើគ្រែចាប់ផ្ដើមកម្រើកដៃជើងគេចពីពន្លឺដែលចាំងរំខាននោះទាំងមួម៉ៅ។

ផាច់!

" យ៉ា! ចង់ស្លាប់មែនទេ? " Zhanស្ទុះក្រោកអង្គុយភ្លាមៗ នៅពេលដែលមានម្រាមដៃនរណាមិនដឹងលូកមកទះគូទគេមួយដៃយ៉ាងធ្ងន់ ទើបគេស្រែកសម្លុតទៅអ្នកនោះទាំងក្ដៅក្រហាយ ព្រោះមិនត្រឹមតែឈឺទេ នៅមករំខានគេគេងទៀតផង។

" ឯងចង់សម្លាប់យើង? " ថេយ៉ុងលើកដៃចង្អុលខ្លួនឯងធ្វើមុខកាចសំឡឹងសម្លក់មកចាន់វិញ មុននឹងលើកដៃរុញថ្ងាសគេបត់ទៅក្រោយ ដាក់ខ្លួនអង្គុយនៅចុងពូក។

" យ៉ាងមិចទៅហើយ? ឯងនេះប៉ាភ្លើណាស់ ឲ្យគេចាប់ពីរដងហើយ បើកុំតែប្ដីទៅជួយទាន់ កុំអីតៃឡេវបានជួបយមរាជបាត់! " ថេយ៉ុងចាប់ផ្ដើមសួរទេសនា យកដៃបង្វិលរាងកាយចាន់រកមើលគេមានរបួសត្រង់ណាខ្លះ។

" យើងមិនអីទេ  កុំភ័យ ព្រោះខ្ជិលទៅជួបយមរាជណាស់ ស្ដាយប្ដីសង្ហារ ស្ដាយលុយដែលចាយមិនទាន់អស់! ទៅជួបប៉ះយមរាជអាក្រក់គួរឲ្យខ្លាចអីហ្នឹង ចប់! " ចាន់ទាញថេយ៉ុងចេញនិយាយរៀបរាប់។ ម្នាយអើយ ឲ្យគេស្លាប់ចោលបងសេដ្ឋីយ៉ាងមិច? ទាំងសង្ហារពូកែថ្នាក់ថ្នម បីបម មើលថែខ្លួនដូចទារក នៅឲ្យលុយចាយពេញៗដៃបែបនេះទៀត ទោះស្លាប់ទៅក៏បិទភ្នែកមិនជិតដែរ គេមិនចង់ស្លាប់ទាំងវ័យក្មេងបែបនេះទេ!

" ប្ដីឯងនិយាយឲ្យយើងស្ដាប់អស់ហើយ សំណាងណាស់ដែលអ្នកនាងជូអួយនោះព្រមស្ដាប់តាមប៉ារបស់នាងហើយដោះលែងឯងនោះ! "

ជូអានព្រមដោះលែងចាន់?

-Past

" ចាត់ទុកថាប៉ាសុំណា៎! ដោះលែងគេវិញទៅ ទាំងអស់នេះជាកំហុសរបស់ប៉ាដែលចិញ្ចឹមកូនដោយការគាបសង្កត់,ជូអាន  ប៉ាសន្យាថាចាប់ពីថ្ងៃនេះទៅ ប៉ានឹងធ្វើជាប៉ាល្អម្នាក់! ដោះលែងក្មេងម្នាក់នោះទៅ! " លោកហាវីដចូលមកជូតទឹកភ្នែកឲ្យកូនស្រី និយាយទាំងក្ដុកក្ដួល យល់ច្បាស់ពីអារម្មណ៍ដែលនាងកំពុងឈឺ។ កំហុសពាក់កណ្ដាលគឺមកពីគាត់ដែលងប់ងុលនឹងអំណាច យសសក្តិ កិត្តិយសកេរ្តិ៍ឈ្មោះ ចិញ្ចើមនាងឲ្យយកគំរូតាមគាត់ គឺជាគាត់ដែលជាអ្នកបង្ហាញផ្លូវខុសឲ្យនាងដើរ!