ប្រពន្ធក្មេងបង Billionaire (Completed)

EP26 : ឌឺដងឲ្យនាងក្អួតឈាម!

+ថ្ងៃថ្មី

[ ភូមិគ្រឹះត្រកូលកាង ]

     ចាងប៊ីន បានចូលមកសម្រាកនៅក្នុងភូមិគ្រឹះវិញតាមពាក្យសម្ដីម្ដាយដែលបានផ្ដែផ្ដាំឲ្យមកនោះ កាលពីយប់មិញបន្ទាប់ពីចាកចេញបំបែកផ្លូវគ្នាជាមួយមិត្តសម្លាញ់។ ព្រឹកនៃថ្ងៃថ្មីឈានចូលមកដល់ នាយកំឡោះក្រោកឡើងពីគ្រែទាំងធីងធោង ព្រោះម្សិលមិញនាយស្រវឹងខ្លាំងណាស់ ចូលមកដល់ក៏ទម្លាក់ខ្លួនគេងមិនបានងូតទឹកនោះទេ ទើបម្នីម្នាក្រោកកាន់កន្សែងដើរចូលបន្ទប់ទឹក។៊

"ក្រាក!"

    ជាងកន្លះម៉ោងក្រោយមកនាយក៏បើកទ្វារចេញមកពីក្នុងបន្ទប់ក្នុងឈុតសម្លៀកបំពាក់អាវធំ ព្រោះត្រូវទៅមើលការនៅផ្សារទំនើបបន្ត។ បម្រុងនឹងបោះជំហានចុះកាំជណ្ដើរទៅហើយ ក៏ក្រឡេកភ្នែកឃើញអ្នកបម្រើពីរនាក់ដើរចេញពីបន្ទប់របស់សាន់ឆេ។

" អ្នកប្រុស~~ " អ្នកបម្រើទាំងពីរនាំគ្នាឱនចុះមុខនាយកំឡោះ

" នាំគ្នាធ្វើអ្វី? "

" ចាស៎ គឺមុនលោកស្រីចាកចេញ គាត់បានផ្ដាំផ្ញើឲ្យខ្ញុំចូលសម្រាកបន្ទប់អ្នកប្រុសសាន់ឆេជាប្រចាំ! " នាងឆ្លើយតាមការពិតហើយសុំខ្លួនចុះទៅខាងក្រោមអស់បាត់ ឯចាងប៊ីនចងចញ្ចើមមួយសន្ទុះមុននឹងសម្រេចចិត្តដើរមករុញទ្វារហើយចូលទៅក្នុងបន្ទប់របស់សាន់ឆេ។

   ទ្វារបន្ទប់រុញចូលមកខាងក្នុងបើកបង្ហាញពីការរៀបចំមិនខុសពីបន្ទប់កូនក្មេងឡើយ គឺដូចសុទ្ធតែម្ដង។ បើនិយាយពីតុក្កតាវិញ ឡើងពេញគ្រែទៅហើយ មានគ្រប់ម៉ូតតែម្ដង តែអ្វីដែលធ្វើឲ្យនាយចាប់អារម្មណ៍ច្រើនជាងគេនោះ គឺរូបថតជាចច្រើនដែលបិទនៅលើជញ្ជាំងម្ខាងនៃបន្ទប់ វាសុទ្ធតែជារូបនាយទាំងអស់ តាំងពីតូចរហូតមកដល់ប៉ុននេះ បើរូបសាន់ឆេវិញមានតិចតួចប៉ុណ្ណោះ។

" នេះ-ហេតុអ្វីក៏សុទ្ធជារូបយើងបែបនេះ? " ចាងប៊ីនយកដៃប៉ះលើផ្ទៃរូបថតមួយសន្លឹក ចញ្ចើមកោងឡើងព្រោះឆ្ងល់មិនបាត់ នាយមិនដែលដឹងឡើយថាក្មេងឆ្កួតនោះទុករូបថតនាយមកច្រើនថ្នាក់នេះ ព្រោះនាយមិនដែលចូលមកបន្ទប់គេសូម្បីម្ដង នេះជាលើកទីមួយហើយ។