ប្រពន្ធក្មេងបង Billionaire (Completed)

EP48 : សាប៊ូកន្លះដប!!

" យេ៎!! ចេញដំណើរ!! " កំឡោះតូចទាំងបីស្ពាយកាតាបតូចលើខ្នងរត់កាន់ដៃគ្នាឡើងលើឡានហើយស្រែកចេចចាចថ្លង់ពេញតែហ្នឹង ធ្វើឲ្យនាយក្រាស់ទាំងបីឈរមើលមកមិនទាន់ឡើងឡាននោះ នាំគ្នាគ្រវីក្បាលហួសចិត្តដាក់គ្នា។

និយាយពីថាត្រូវធាតុគ្នានោះត្រូវ សាន់ឆេស្គាល់គ្នាមិនទាន់បានប៉ុន្មានផងក៏ប៉ែឡែខូចជ្រូកគេចាប់ខ្វៃដែរទៅហើយ និយាយអ្វីក៏ត្រូវដងត្រូវផ្លែគ្នា និយាយមិនចេះអស់រឿងនិយាយ ទោះនិយាយដល់ស្អែកក៏ប្រហែលមិនអស់ដែរ ធ្វើឲ្យអ្នកដែលអង្គុយស្ដាប់សែនហឹងត្រចៀកថ្លង់សឹងតែចាប់យកស្កុតបិទមាត់ទាំងបីនាក់នោះឲ្យបាត់ៗ។

នាយក្រាស់ទាំងបីនាំគ្នាឡើងលើឡាន សុងហានស្ទុះរត់ចេញមកពីខាងក្នុងស្លៀកពាក់តឺនុយម៉ាកប់ វែនតាកញ្ចក់ថ្លា  លើកដៃចូកសក់ឡើងលើបង្ហាញថ្ងាស ដូចតារាហូលីវូដនៅសហរដ្ឋអាមេរិក។

" នៅតាប៉ែច្រើនហ្នឹងហើយ! កាលណាបានព្រះអង្គយាងឡើងមក? " អ៉ីបូគោះកញ្ចក់ឡើងស្រែកឡោងៗសឹងតែធ្លាក់សួត ក្រឺតក្នាញ់នឹងកំពូលកូនចៅដែលនៅលេងឫកជាប្រុសសង្ហារ ឲ្យគេឯងអង្គុយចាំពេញមួយឡាន។

" ហូយ៎ៗ ឡើងហើយបាទ កុំទាន់ខ្ញាល់ចៅហ្វាយ!! " សុងហានចាប់ស៊កវ៉ែនតានឹងកអាវម្នីម្នាឡើងលើឡាន មុននឹងត្រូវស្បែកជើងហោះពីចៅហ្វាយរូបសង្ហារ។

" Let's goooo!!! "
រថយន្ដទំនើបចាប់ផ្ដើមចេញដំណើរ ចាន់ថេយ៍ឆេអង្គុយជុំគ្នានិយាយសើចក្អះក្អាយ កងរំពងពេញក្នុងឡាន ឯនាយក្រាស់ទាំងបីបិទភ្នែកសង្ងំគេងយកកម្លាំង មិនបានឧស្សាហ៍នៅស្ដាប់បញ្ហារឿងប្រទេសជាតិរបស់អ្នកទាំងបីនោះឡើយ។

ក្រោយធ្វើដំណើរអស់ពេលជាង4ម៉ោង ពួកគេក៏បានធ្វើដំណើរមកដល់សមុទ្រ ម្នាក់ៗនាំគ្នាប្រមូលឥវ៉ាន់វ៉ាលី យកទៅដាក់នៅផ្ទះរីស៊តដែលបានរៀបចំទុក។

[ Note : មិនមែនរបៀបជាសណ្ឋាគារទេ ជារបៀបកូនផ្ទះឆ្ងាយៗពីគ្នា ហើយនៅទល់មុខមាត់សមុទ្រ មានលក្ខណៈផ្ទាល់ខ្លួនច្រើន ដូចពេលញ៉ាំអីយើងអាចចម្អិនដោយខ្លួនឯងបាន។ ]

" Yi,យួរឲ្យអូនបន្តិចមក ធ្ងន់ណាស់!! " ចាន់ដើរធ្វើមុខស្មូញៗ ហុចកាតាបយួរឲ្យទៅនាយសង្ហារ ពេបមាត់កាច់កធ្វើចរិកខ្ចូតៗដើម្បីឲ្យនាយកាន់យួរជំនួសឲ្យ។