ប្រពន្ធក្មេងបង Billionaire (Completed)

EP28 : អ្នកនាងដូចជាស្រឡាញ់បង្គន់ដល់ហើយ

" ចៅហ្វាយ ថ្ងៃត្រង់នេះទៅផ្ទះវិញឬអត់បាទ? " សុងហាងរុញទ្វារការិយាល័យចូលមកខាងក្នុង ពោលសួរទៅនាយចៅហ្វាយដែលកំពុងពិនិត្យបញ្ជីស៉ីញ៉េអនុម័តការងារផ្សេងៗ។

" ក្រែងទៅមើលឃ្លាំងមែនទេ? ប្រហែលមិនបានទៅទេ " Yiboងើយមុខពីឯកសារបន្ដិចមើលទៅសុងហាន ហើយឱនចុះវិញឆ្លើយនឹងសំណួរដែលគេសួរ។ បន្ទាប់ពីមកពីកូរ៉េវិញ ការងារនាយក៏ចូលច្រើនជាងមុនដូចគ្នា មិនយូរប៉ុន្មានក៏មានការនិយាយកម្ម៉ង់ពីក្រៅប្រទេសនៅប៉ែកអ៉ឺរ៉ុបទៀតហើយ។

" ហូយ៎ ខ្ញុំខ្លាចតែមានសង្គ្រាមលោកលើកទីបីកើតឡើងទេ! " សុងហាននិយាយហើយក្រញែងខ្លួនព្រឺសម្បុរ ធ្វើឲ្យYibo ងើយមុខមើលមកគេម្ដងទៀតទាំងចញ្ចើមកោងឡើងឆ្ងល់នឹងឫកពាវល់ៗរបស់គេ។

" ឯងលេបថ្នាំអីខុសមកមែនទេ? " នាយបោះសំណួរជាមួយទឹកមុខហួសចិត្ត ព្រោះមិនសូវយល់ពីសម្ព័ន្ធកូនចៅម្នាក់នេះសោះ គ្រាន់តែនាយមិនទៅញ៉ាំត្រង់នៅផ្ទះវិញ សង្គ្រាមលោកលើកទីបីអាចកើតឡើងដែលឬ?

" មិនមែនទេចៅហ្វាយ តែខ្ញុំចង់បានន័យថានៅភូមិគ្រឹះប្រាកដជាមានសង្គ្រាមមាន់ហោះទាហើរជាមិនខានឡើយ បើចៅហ្វាយមិនទៅទេនោះ "

" ហើយហេតុអីពាក់ព័ន្ធនឹងយើងដែរ? "

" អៅ ចៅហ្វាយក៏ដឹងថាថ្ងៃនេះអ្នកប្រុសតូចបបួលថេយ៉ុងមកលេងនៅភូមិគ្រឹះ ហើយអ្នកនាងជូអានក៏ជិតត្រឡប់ទៅភូមិគ្រឹះវិញហើយ បើបណ្ដោយឲ្យពួកគេនៅប្រឈមមុខគ្នា ចៅហ្វាយគិតថានឹងមានរឿងអីកើតឡើងទៅ? "

" ប្រពន្ធយើងនៅលេងតែជាមួយថេយ៉ុង ឯជូអានក៏នៅតែនាង ពួកគេទាំងពីរបក្សមិនចូលចិត្តគ្នាប្រាកដជាមិនចង់ពាក់ព័ន្ធគ្នា តើឲ្យមានរឿងអ្វីកើតឡើងទៅ? ឯងនេះគិតផ្ដេសផ្ដាសពេកហើយ "

" អា៎ អ៊ីចឹងចាំមើលទៅថាប្រុសសង្ហារសុងហាននេះនិយាយត្តូវឬខុស!! "

" បើដូច្នេះហើយ សូមប្រញាប់ទៅធ្វើការផងបាទលោកកូនចៅសង្ហារ សុងហាន ហ្វីលីស បើមិនចង់ឲ្យខ្ញុំបាទនេះកាត់ប្រាក់ខែលោកសង្ហារឯង " Yiboញេញធ្មេញសម្លក់ទៅកំពូលកូនចៅជំនិត ដែលពូកែមាតឮរប៉ិចរប៉ូចដូចស្មាមិនខុស។