ប្រពន្ធក្មេងបង Billionaire (Completed)

EP12 : ហាឡូម៉ាក់ក្មេក

+ភូមិគ្រឹះកាង

រថយន្ដស្ព័រពណ៌ខ្មៅបើកចូលមកក្នុងភូមិគ្រឹះ ធ្វើឲ្យអ្នកបម្រើរហ័សរត់មកបើកទ្វារឲ្យ ព្រោះដឹងច្បាស់ថាជានរណា ហើយម្នាក់នោះគឺ Kang Jangbin កូនប្រុសតែម្នាក់គត់របស់ត្រកូលកាង ដែលបាត់មុខចេញពីភូមិគ្រឹះជិតពីរអាទិត្យទៅហើយ ទើបនឹងឃើញចូលមកវិញថ្ងៃនេះទេ ។

ភឹប!
Jangbinទាញទ្វារឡានបិទទាំងមុខមិនស្រស់បស់សូម្បីបន្តិច ព្រោះការដែលនាយត្រឡប់មកវិញនេះ មិនមែនចិត្តចង់ តែដោយសារតែអ្នកម្ដាយខលរំអុកឲ្យគេមករហូតប៉ុណ្ណោះ។

" ប៊ីន កូនមកដល់ហើយឬ? " អ្នកស្រីកាងស្ទុះដើរចេញមកស្រវាឱបកូនប្រុសបន្តិច ហើយលែងគេចេញវិញ សម្លឹងគេសព្វគ្រប់ ម្ដាយបែកកូនពីរអាទិត្យហើយ មិននឹកកូនទើបចម្លែក។

" បង..បងប៊ីនមកលេងឆេឆេហើយ!! យ៉េៗ!! " ក្មេងប្រុសវ័យប្រហែល17ឆ្នាំ រត់ចេញមកទាំងសម្លៀកបំពាក់កូនក្មេងហើយនៅមានកូនក្រមុំតុក្កតាមកជាមួយទៀត។ គេសម្លឹងមកចាងប៊ីនជាមួយក្រសែភ្នែកកូនក្មេង ទះដៃហក់លោតហាក់សប្បាយចិត្តមែនទែន។

" ខ្ញុំឡើងទៅលើហើយម៉ាក់! ខ្ញុំមកគេងតែមួយយប់ទេ ស្អែកខ្ញុំទៅខុនដូវិញ! " Jangbin សម្លក់ទៅអាល្អិតSanchaeហើយងាកមកនិយាយជាមួយម្ដាយរបស់ខ្លួន រួចបោះជំហានវែងៗប្រញាប់ឡើងទៅខាងលើ ព្រោះនាយមិនចូលចិត្តក្មេងសតិមិនគ្រប់ម្នាក់នេះទេ ឃើញមុខពេលណាក៏ស្អប់ ស្អប់!! ហើយនឹងស្អប់! សំណាងហើយដែលមុននេះនាយមិនចាប់គេបោះចេញពីភូមិគ្រឹះនោះ។

" បងប៊ីននៅលេងជាមួយអូនសិនទៅណា? អូនឆេទិញតុក្កតាមកច្រើនណាស់ ចាំអូនឲ្យបងប៊ីនលេងមួយ! " អាល្អិតតូចរត់ទៅចាប់ដើមដៃនាយមាឌធំជាប់ និយាយបបួលនាយដោយសុទ្ធចិត្ត គិតមិនយល់ហើយក៏មិនចាប់អារម្មណ៍ថាអ្នកខាងនោះសម្លឹងមកខ្លួនជាមួយក្រសែភ្នែកស្អប់ខ្ពើមដល់ឆ្អឹង។

" លែងយើង អាក្មេងឆ្លួត!!! " Jangbinកញ្ឆក់ទាញដៃSanchaeចេញ ហើយរុញគេឲ្យដួលព្រូស ហើយឡើងទៅខាងលើបាត់ដោយភ្លើងកំហឹងឆេះឆាបឆួលពេញខ្លួនដោយគ្មានមូលហេតុ Sanchaeអង្គុយបត់ជើងយំដង្ហក់ ទើបអ្នកស្រីកាងរត់មកឱបលួងលោមគេ។