ياضحكة الارض عقب السنين العجاف ..
بسم الله أبدا معكم روايتي الثانيه.. وكلي أمل أنها تنال على أعجابكم..
الشخصيات..
بيت الجد ناصر ( ابو ليث)
الجد ناصر :شخص حنون طيب ويحب الخير للكل متمسك بالعاداات والتقاليد
الجده نوره: شخصيه من الزمن القديم وجيل الطيبين حبيبه وتحب الخير للكل
الله رزقهم بـ عيال.. ليث و عادل
بيت أبو سلطان ( ليث)
ابو سلطان : اعظم اب واطيب قلب
ام سلطان : ام طيبه وحنونه وابتسامتها ماتفارقها رغم كل شي صابها
"بيت ابو سلطان متكون من سلطان ومالك وبنتين توام وزوجة مالك ريم"
سلطان: الأبن الاكبر حنون وطيب وشهم والكل يشهد له بطيب افعاله. تطغى عليه سعة الصدر وخفة النفس عمره 27
مالك : الابن الثاني اخذ صلابة ابوه وحنية امه عمره 25
الهنوف: طيبه وتحب الكل هاديه جداً عمرها 20
العنود: حبوبه وملح البيت تحب الحرش ولا تسكت عن حق امها واخوانها عمرها 20
ريم : زوجة مالك أحن زوجة أخ بتمرعليكم
كان بيت ابو سلطان مكتفى بهالعيال وسعة الصدر ماتغادرهم ..
بيت ابوفارس (عادل)
ابوفارس: عصبي وجلف اهم ماعليه التجاره
ام فارس: شخصيه مايعجبها العجب لكن تسكت عشان عيالها دايما..
فارس الابن الاكبر لهم: اخذ صفات ابوه ولا كسب الحنان ولا هو صوبه عمره30
نايف: شخص هادي لا له ولا عليه حنيين ويحب خواته كثير عمره27
جميله: اخذت كل صفات الحنان والطيبه وحًب الخير للكل وكانت فعلاً جميله عمرها 26
نوف: عنقود العايله وام لسان طيبه لكن تكابر على طيبتها عمرها20
عبير: "زوجة فارس" حالها حال نفسها وعلى نياتها عمرها 28
بيت ابو تركي:
هالبيت هادي وفيه وحشة الدنيا كلها
ابو تركي خوي ابو فارس بالتجاره: انسان عصبي جداً يحب الفلوس لدرجة عجيبه
ام تركي: متوفيه
تركي: شخصيه غريبة اطوار عمره 26 خوي سلطان القلب بالقلب
اما سلطان مايقدر بدون تركي مقاسمه كل شي بالحياه لو يبي قلبه عطاه..
البدايه من وسط نجد العذيه وفي أحن الأحياء الشعبيه الصغيره كانت بيوت الجد ناصر وعياله حوالين بعض..
في صبح شتوي برده يرد الروح .. الكل صاحي ويجهزون لطلعة المخيم اللي تكفل فيه الجد ناصر من الى وهذي عادته كل سنه
بيت ليث" ابو سلطان"
ابو سلطان: يلا يلا ياعيال الهمام اخلصوا افطروا عشان مانبطي عن جدكم
طلع سلطان من غرفته وهو عاصب راسه ولابس أجمل الثياب الشتويه أبتسم بطريقة شاعريه :
صبحك الله بالخير يابوي وشلونك
ابتسم ابو سلطان: ياهلا صباح النور ياسلطان بخير عساك بخير
سلطان: الله يجعله دايماً يايبه وش سوا صدرك اليوم؟
ابو سلطان: ماعليه ياوليدي اشوا
سلطان: زين حمدلله والبس ثقيل عشان المخيم اليوم تكفى
قاطع كلامهم مالك اللي جاء بالفطور: صباح الخير ياخير الحياه
قام سلطان يحضنه: ياهلا بالعضيد ياهلا صباح النور
ابتسم مالك بعبط :مشتاق لي ياسلطاني
ابو سلطان: ههههههههههههههههههههههههه لو تشوفه ضايع من يومين لولا الله ثم تركي يسليه مات علينا
تكى سلطان: اخ اخ يا يبه خله مايحس فيني
مالك: يابعد عيني ياخوي
