මගේ business marriage එක

Chapter 60 - ශක්තිමත් නිර්භීතයි 2 කොටස

" ඔයාට මොකක්ද මතක් උනේ චූටි මහත්තයා? " Madam Yu ඇසුවාය.

" එදා රෑ මම...මම තිබහ නිසා ඇහැරුනා. කාමරයේ තියෙන වතුරත් ඉවර වෙලා තිබුනේ. ඉතින් මම කුස්සියට ගියා වතුර ටිකක් බොන්න.
වතුර බිබී ඉද්දි මට සාලෙන් සද්දයක් ඇහුණා. මම...මම හිතුවේ ඒ Prince කියලා.. ඉතින් මම...........

ඉතින් මුළුතැන්ගෙයි මේසය මතින් වතුර වීදුරුව තැබූ Yibo සාලය දෙසට ඇවිද ගියේය. ඔහු පළමුවෙන්ම කෑම කාමරයේ විදුලි පහන දැල්විය.

" Prince .... Prince ..මොකද ඔතන කරන්නේ? මෙහෙ එන්න. "

Yibo සිතුවේ Prince ඔහු ළඟට ඒවි කියලයි. නමුත් සාලයෙන් පැමිණි ඒ ශබ්දය නො නවතා ඇහෙන්නට විය. එය හරියට පුටුවකට තට්ටු කරනවා වගේය.

ටහ්හ් ටහ්... ටහ්හ් ටහ්... ටහ්හ් ටහ්

ඈනුමක් පිටකරමින් නිදිමත බේරෙන දෑස් කසමින් Yibo සාලයට ඇවිද ආවේ දිගටම Princeගෙ නම කියමිනි.

ඔහු සාලයට අඩිය තැබුවාත් අඳුරේ සිටගෙන ඔහු දෙසම බලා සිටින මිනිසා ගැන ඔහුට කිසිම අවබෝධයක් තිබුණේ නැත.

සාලෙ විදුලි පහන දැල්වීමට ද Yibo බිත්තිය දෙසට අත දිගු කළේය. නමුත් ඔහුගේ ඇඟිලි බිත්තිය ස්පර්ශ කරන්නට පෙර ඔහුට පිටුපසින් මද සිනා හඬක් ඇසෙන්නට විය. ඔහුට හුරුපුරුදු සිනා හඬක්...

Yiboගෙ අත ගුවනත නතර වූයේ ඔහුගේ මුළු සිරුරම පෙනෙන්නට ම ගැහෙන්න ගත් විටයි. වෙව්ලන සිරුරත් සමඟ හිමින් හිමින් හිස හැරවූ Yibo ට තේරුම් ගියේ ඒ සිනා හඬ එන්න එන්නම ඔහුට ළං වන බවයි.

ඒ මිනිසා ඔහුට අඩියෙන් අඩිය ලංවන විට භීතිය Yiboගෙ හදවතට ගලා එන්නට පටන් ගත්තේය.

බිය...බිය...බිය
ඔහුට දැනුණේ එපමණයි.

ඔහුට ඔහුගේ සිතීමේ හැකියාව නැති විය. ඔහුට ප්‍රාථමික නොනැසී ඉතිරිවීමේ හැකියාවන් ( primary survival skills ) නොහොත් පලායාම සහ කෑගැසීම වත් කරගත නොහැකි විය.

ඝනකම් ලණුවක් සේ භීතිය Yiboගෙ හිසේ සිට දෙපතුල දක්වාම එතෙන්නට වූයේ ඔහුට හුස්ම ගැනීමටත් බැරි කරමිණි.

ඔහුට පලායෑමට ඕනෑ වුණත් එය කිරීමට නොහැක. පලා යාමට ගත් පළමු උත්සාහයේ දී ම Yibo බිමට කඩා වැටුණේය.